Daartol Annabi Sileymaan ɓiyi Daawuuda (3)

0
2129
prophete Souleymaan.jpg

Hol ko Bilkiis yamiri feewde e leñol mum ? Ndeen Bilkiis janngii ɓataake, Sileymaan faamii ko woni heen, o noddi leñol makko yo ar nootoo batu hay gooto hoto heddo. Ndeen ɓe ngarii, o wiyi ɓe, e konngol Alla toowɗo oo : “eehey mon hoohooɓe, mi nuldaama ɓataake tedduɗo” simoore mettelli, kaawise:29. 

Hol ko Bilkiis yamiri feewde e leñol mum ? Ndeen Bilkiis janngii ɓataake, Sileymaan faamii ko woni heen, o noddi leñol makko yo ar nootoo batu hay gooto hoto heddo. Ndeen ɓe ngarii, o wiyi ɓe, e konngol Alla toowɗo oo : “eehey mon hoohooɓe, mi nuldaama ɓataake tedduɗo” simoore mettelli, kaawise:29. 

E nder nguun batu, o haalanii ɓe ko woni e ɓataake oo. Kamɓe ne, ɓe njaabi ɓe mbiyi e konngol Alla toowɗo oo : ɓe mbiyi “ko minen ngadii jogaade doole, ko minen ngadii jogaade semmbe cattuɗo, yamiroore heddii ko e maa, ƴeew ko njamir-ɗaa”. simoore Metteli, kaawise : 33

Laatiima Bilkiis ko kañum laaminoo cuuɗi sappo e ɗiɗi gonnooɗi e nder Yeman. O laatinooma kadi jom hakkille juumtuɗo, peertuɗo, jooɗɗo dawrugol e nder Yeman.

Hono biyeteeɗo Kataadatu wiyi : “Bilkiis neldii Sileymaani (JKM), geɗe keewɗe sanne, ko wayi no tenngaaɗe e laafaaji kaŋŋe e kaalis, o neldori ɗum teemedde joy suka debbo e hono ɗuum, sukaaɓe worɓe, o waɗdi e mum en nelaaɗo ceedtanaaɗo ƴoyre e nder laamu Yeman. O ɓoorni sukaaɓe rewɓe ɓee comci worɓe, sukaaɓe rewɓe ɓee comci worɓe e ɓe mbaɗi (makkiyaas) haa so neɗɗo yiyii rewɓe ɓee sikkata ko worɓe, so yiyii worɓe ɓee sikkata ko rewɓe. Gorko ƴoƴɗo baɗdaaɗo e maɓɓe oo wiyetee ko Elmunjiru bun Umrawi. Oon noon ina wonndi e ɓataake cifotooɗo nelde ɗee no mbayi.

Nde nelaaɗo Bilkiis yettini Sileymaani (JKM), nelde mum ɗe, o salmini Sileymaani e wonndiiɓe mum ɓe calmiti, o holli Sileymaani (JKM) , kala ko neldano ha laaɓi. kono Blkiis wiyno nelaaɗo mum o : so tawii a yettii to Sileymaani nganndirta ko o Annabi,ko so o mo haalda e ma o mo moosa,anndu ko Annabi, so tawii noon oɗon kaalda o mo ñirɓini walla o mo fooɗti yeeso ma anndu o wonaa Annabi ko o laamɗo tan no laamɓe heddiiɓe ɓe nih.ɗuum waylataa miijomen.

caggal ɗuum, kanko nelaaɗo o, o naamndii Sileymaani (JKM), o wiyɗum: so tawii kaa Annabi mbiɗo yiɗi anndude so a ɗa waawi seerndan-de mi hakkunde sukaaɓe worɓe ɓe e rewɓe ɓe? Sileymaani seerndani mo rewɓe e worɓe ɓe kala, alaa heen fof ɗo juumi. Kanko nelaaɗo Bilkiis o, o anndaa ko adii nde o arata tawa Hudu Hudu haalani Annabi Sielymaani kala ko fewjano toon ko adii nde nelde ɗe ngarata. ko ɗum tagi Annabi Sielymaani weltanaade Hudu Hudu, ha o ɓurni ɗum ndiwri fof. Nelaaɗo Bilkiis o heddi tan ina watti hakkille mum tan, ko e Sileymaani (JKM) o, e no gollorto, kala nde o ɓamti gite makko o ndaariAnnabi o yiyata tan ko ina moosa, o anndi hankadi Sileymaani ko Annabi laaɓɗo cer. Caggal ɗuum, nelaaɗe o Bilkiis o ɗaccita hooti to Bilkiis.

Nde nelaaɗo Bilkiis o yettiima: o haalani Bilkiis denndaangal ko o yiyi toon e laamuAnnabi Sileymaani (JKM), o anndini Bilkiis geɗe moƴƴe ɗe o yiyi e Sileymaani ɗee kala, o yiyaani toon ko soofi, Bilkiis wiyi : oo ko Annabi, en ngalaa doole haɓde e makko ngam semmbe mo Annabi jogii ɗee keƴaani e men. Ɗum firti ko o jebbiliima hankadi e Sileymaan (JKM), no ɓuriri ɓe semmbe.

Bilkiis neli e makko laawol goɗngol wiyi mo : ma min ngar toon, miin e koreeji am ngam ƴeewde anndude ko noddir-ɗaa min e diina maa hee. Hankadi o fellitii yahde to Sileymaan bun Daawuuda (JKM), o ƴetti jooɗorde makko o naatni ɗum e nder tata makko, o soki, o ummii kanko e koreeji makko e ɓe payi to Sileymaan ɓiy Daawuuda (JKM), kamɓe fof noon ko ɓe sappo e ɗiɗi ujunere neɗɗo. Nde ɓe ngari haa ɓe keddoraa e yetttaade ɓe kilometeruuji tati e, Annabi Sileymaan en tini ɗum, o yiɗi hollude Bilkiis e leñol mum wonde doole Alla pamɗaani. Ɗum firti, o yiɗi addude ko jooɗorde Bilkiis ndee, so arii tawa ɗum ɗoon, etee omo anndi jooɗorde ndee ɗo woni ɗoo, koko reenaa no feewi, e dow ɗuum noon, o yiɗi ko so Bilkiis arii tawa jooɗorde mum kaŋŋe ina jooɗii, omo anndi maa ɗum waɗan ɗum kaawise, ko ɗum tagi mo wiyde : “omo holla Bilkiis golle Alla pamɗaani.”

Gaddugol jooɗorde Bilkiis (arsi):

Annabi Sileymaani noddi ko yaacci denndaangal jom gannde en wonɓe ɗoon, yimɓe e jinneeji o wiyi ɗum en : “eɗen njogii ko heñoraa : mbiɗo yiɗi nde ɗum gasata jooni jooni. E nder haala Alla ko nih o wiyi e nder Ɓurana tedduɗo oo : “eehey mon hoohooɓe hol e mon gaddanoowo mi jooɗorde ko adii nde arata e am jebbiliiɓe” (muslimiin) simoore Mettelli, kaawise:38. Ko haalaa e ooɗo kaawise ko adii nde ɓe ngoongɗinta Alla harma e dow amen ƴettude jawɗeele maɓɓe. Caggal ɗuum, o faltii jinneeji, o noddi ɗum en o wiyi ɗum en : “mbiɗo yiɗi gaddanɗo mi jooɗorde Bilkiis ko adii nde yettotoo en, kañum e leñol mum”. Ndekete mawɗo gooto e jinneeji ɗii ina ɗoon jooɗii wiyi : e konngol Alla toowɗo oo : “Miin ma mi addane ɗum ko adii nde ngummoto-ɗaa e nokku maa hee” simoore Mettelli, kaawise : 39. Ɗum woni nokku maa mo jooɗoto a ɗa ñaawa hakkunde yimɓe o.

Jinne mawɗo goɗɗo, ina ɗoon kañum ne wiyi e haala Alla : “miin mbiɗo jogii semmbe koolniiɗo e dow ɗum” simoore Mettelli, kaawise :

Ɗum rewi ha goɗɗo wiyi : “nde majata tawata ko mi addi ɗum”. Annabi Sileymaan wiyi ko mbiy-ɗaa ? O wiyi: annabi Sileymaan “ndaar bannge maa ñaamo”. Annabi Sileymaan lemii bannge mum ñaamo haa yiyi “Arsi” ina jooɗii sara mum. E ɗum ko ina yahrantee lebbi ɗiɗi.

Alla addi Bilkiis Sileymaan (JKM) jaɓɓiima ɗum, bismiima ɗum, o wiyi Bilkiis e haala Alla toowɗo oo : “ko ɗumɗoo dey woni jooɗorde maa, ellee dee ko kañum” simore mettelli, kaawise :42

Caggal ɗuum, nde Sileymaan wiyi mo : “ɗum ko jooɗorde maa”, o wiyi ɗum, “ellee dey ko kañum”, Annabi Sileymaan anndii ko o debbo ƴoƴɗo sanne.

Annabi Sileymaan noddi mo e diina mo woni oo, ɗum woni “lislaam”, ɗum firti e arab ko jebbilaade, o jaɓani ɗum Sileymaan (JKM).

Caggal ɗuum, Annabi silemaan resi Bilkiis, o yiɗi ɗum kaɗtudi giɗli. Annabi Sileymaani yamiri yo jinneeji mahan mo tataaji tati to Yeman too, ɗi mahani mo. O yamiri Bilkiis yo rutto to leydi mum Yeman lewru fof o mo yaha toon laawol gootol, ko e dow ɗuum ɓe nguurdi haa Bilkiis sankii e dumunna newiiɗo.

Jibriil Muusaa Jooɓ