Ko ɗo ngon-ɗaaJeewtirɗe - jakkaaji - rajo / Mballee Fedde men hisnude golle mum
Mballee Fedde men hisnude golle mum
Ko ina ɓura 200 bannda, banndaaji jeewte Fedde Ɓamtaare Pulaar yuɓɓintunoo to rajo Muritani tuggude hitaande 1978 haa feebariyee 1990, ina njogori bonirde en so tawii eggaaka, mooftaa e sifaa goɗɗo : oon sifaa woni naatneede e ordinateeruuji.
Ko noon kadi, ko ina ɓura 150 deftere, defte gannde binndaaɗe e Pulaar, binndiraaɗe junngo, ina jogori mooƴirde en, so tawii mbinnditaaka, naatnaa e masiŋaaji.
Ɗum ina ɗaɓɓi kaɓirɗe e ngalu e jot fof. Ko ɗum addani en werlaade ngoo wulaango mbele kala kattanɗo ina wooda ko waɗi heen. Ngam siftinde, yeewtere Fedde Ɓamtaare Pulaar o rajo Muritani jeyaa ko e jeewte ɓurnooɗe waawde heɗeede e jeewte baɗetenooɗe e Rajo Muritani. Alaa fannu mo ɗo ngoppi.
Kala jiɗɗo wallitde, ina waawi jokkondirde e fooyre_bamtaare@yahoo.fr walla fbamtaare_pulaar@yahoo.fr walla waɗa ɗum e konte banke Fooyre Ɓamtaare
N° compte |
Domiciliation |
Code SWIFT |
00116940000 |
Banque pour le Commerce et l'industrie / (BCI - Mauritanie) |
COLIMRMR |
Ballal ngal ina waawi wonde kaɓirɗe, ko wayi no « nagraa » (mañetooji nawooji banndaaji ɗi) walla ordinateeruuji, maa « eskaneeruuji (eskaneer), maa kaalis, ekn … Seeɗa alaa, ko barke woodi.
YONTII MBOZO HAALA NGOXA AM KONO WONAA MIIN TAN
OO NGOXA INA FOTI WONA GOOTO NGOXA MEN SABU OMO NODDI KALA BIYOOWO MBIYMI HONO AM
jokken golle men haa njahra yeeso e timmal e tiinnaare e pellital ngal non duden ngal Allah timminan en paandaale de
Almudel lenol ngol Gorko mbo Wuro Mbaaybe Muritani
Nde wonnoo kala ko ena waɗanee leñol ngol cikkat-mi ko miin walletee,ko ɗuum waɗi njiɗ-mi tan ko wallondireede e kala ko ɓamtata en tawi ko e nuunɗal.Sabu leñol wonaa bolle puuyɗe,foti jaggireede kono ɓuri no fittaandu nii nde ko leñol ɓurani ganndu?o gooŋɗinɗo fittaandu mum.So en ndañii ɓeen worɓe e rew?e tolniiɓe ɗoon,hay so ko see? ɓe poolat nde wonnoo huunde nde hiisetee ko peewal wonaa e keewal.
Giɗo leñol Abuu Bakri Njom
Eh ! Haalpulaar'en mbaawi tan ko gulaali, maa famɗu balluɗo e ɗee golle. Mo njiy-ɗaa fof noon ina fiytoo becce, ina wiya ko leñol daranii, tawi ko poos mum tan reeni. Ko yahata hannde Muritani ko, faamminii heewɓe wonde yoga e wiyeteeɓe "sagataaɓe leñol" njiylotoo tan ko ko ñaami. Yo Allaahu yurmo yaafoo Murtodoo, mo darnde mum seedtini, maayi e nder hare, ina luulndii fenaande !
Ɗum dey haɗataa kam semmbinde yimɓe ɓe nde noototoo ngooɗoo wullaango, sibu ɗeeɗoo golle so majjii, ko faawre ganndal sumi, ko defterdu sumi, ko golle duuɓi e kitaale mboni. Yo Allaahu danndu en e ɗuum. Banndiraaɓe mballee Fedde Ɓamtaare hisnude pinal men.
Moktaar Sammba Kah
Fedde Ɓamtaare Pulaar e Moritani ko fedde men, nde gollaniima lenyol fulɓe moritani e afrik kala; ɗum alaa jeddi, ina laaɓti cer, ina yiyoo, ina memoo.So a naatii joɗnde Goomu Kumpital tan, ko keesuuji keesuuji banndaaji "Negra" niyataa, jiidaani e joowe banndaaji manyaaji goɗɗi, jotondire, e jokkondire kam jaayndeeli njiyataa ina leemii.So a yiyi kadi paabi goomuuji goɗɗi , ko wayno jaŋde, maa walla wiɗto, walla goomu conyce, ko defte, defte binndiraaɗe junngo, etee paayodinɗi, njiyataa ina njoowii, ina poti winnditeede e masiŋaaji, muulee saree, hisa, lenyol daɗna conyce mum e nyeenyal mum.
Denndingol ɗee defte, e ɗii banndaaji jeewte, wiɗtooji, ko darnde mawnde felde nde darii, darodii e yimɓe seeɗa yiɗɓe lenyol saabii haa ɗum danyaa.
Fedde Ɓamtaare Pulaar e Moritani, toƴƴii daande nder jamma, hol to faabotooɓe lenyol ngol ngoni? hol to ngenndiyankooɓe lenyol ngoni?, banndiraaɓe wulaango jamma ɗaccirtaake gooto!, ngummee, ndaro-ɗee, ndaɗo-ɗee, ganndal mum muulngo defte ina soklaa; doole mon ngam wallitde binnditaagol ngadde, juuɗe mon loowee e jaybaaji mon paabo-ɗon ɗemngal pulaar.
So mbuuɗu, so noogaas, gooto fof, yo o addu ballal mum e mahdi ɗemngal ngal.
Mamma May
Feewde e Fedde Ɓamtaare Pulaar e moritani
Mamma May
Ko adii fof njaɓɓoɗee calminaali am ceniiɗi, nduu noddoondu ndu eewniɗon yottiima e kala ngenndiyanke e sikke am. Njiɗ-mi anndude tan ko holi darnde fedde wodnde waawi waɗde heen? Ko ɗimmiti ɗum koo; miin tan e hoore am so mi yiɗii waɗde heen huunde holi no mbaɗirat-mi?
Njaaɓɗee kam e ndee nyiiɓirde : galle2085@yahoo.fr
Mi salminii banndiraaɓe fof, ɗoo e ndeen yo en ngon e jam.
Jss
Winndu ɗo miijo ma