Gabon : Ɓiyɗo ronii Baaba

0
1680

 

Kalifu geɗe nder leydi habrii ñalnde 30 ut ɓennuɗo o wonde Aali Bonngo Ondimba hawii e woote gardagol leydi Gabon. Nii woni ɓiyɗo ronii baaba mum.

Kono tan luulndo ngo jaɓaani. Sibu e miijo maggo, woote ɗe ko gujjaaɗe. Ina feeñi noon, e nder diiwanuuji ɗii kala, ko Aali ari yeeso to woɗɗi.

Kalifu geɗe nder leydi habrii ñalnde 30 ut ɓennuɗo o wonde Aali Bonngo Ondimba hawii e woote gardagol leydi Gabon. Nii woni ɓiyɗo ronii baaba mum.

Kono tan luulndo ngo jaɓaani. Sibu e miijo maggo, woote ɗe ko gujjaaɗe. Ina feeñi noon, e nder diiwanuuji ɗii kala, ko Aali ari yeeso to woɗɗi.

Aali huniima laamanaade Gabonnaɓe kala. Nde o yettii to jooɗorde kampaañ makko ɗo, o wiyi : « ko yimɓe fof ngonan-mi ». O ɓeydi heen : « Miɗo sifotora ɗo hannde Leon Mba, coso leydi Gabon ; miɗo siftora ɗoo hannde baaba am, gaawɗo jam e kisal e nder leydi am. Miɗo wiya denndaangal Gabonnaaɓe ɓe ngotanaano-mi wonde ma mi daro e wootiɗinde yimɓe kala. Miɗo hormii ɓe mbaɗdatnoo-mi woote ɓe, sibu ɓe mballitii demokaraasi ».

  • Holi Aali Bonngoo ?

Aali Bonngo yahrata ko e duuɓi 50. Kanko woni afo Umar Bonngoo, bammbuɗo mo ko ina wona duuɓi 20, walliti mo ha o heɓi ɗo o heɓi hannde ɗo. O janngii to Farayse  ko fayti e sariya. Nde o arti o gollii e kabine (Cabinet) baaba makko tuggi 1987 haa 1989. Nde baaba makko nomi mo kalifu jokkondiral, omo yahra e duuɓi 29 fat. Kono, nde tawnoo Doosɗe leydi kese ɗe, ina carɗini ko famɗi fof duuɓi 35 ngam waawde wonde kalifu, o dimosini.

Gila 1990 ko o depitee. Ko e hitaande 1999 o arti e guwarnama, o nomaa kalifu Ndeenka leydi : o wonii heen duuɓi sappo. Nde parti makko, hono Parti Demokaraasi Gabon (PDG) toɗɗii mo yo o won kanndidaa e gardagol leydi ndi, heewɓe ngeddi, njalti parti o. Aali Bonngo noon artaani Baaba mum jimme.

Caggal nde wiyaa o foolii, seppooji keewɗi mbaɗii, haa arti noon e wuro wiyeteengo Port Gentil, ɗo woodi waraaɓe. Kanndidaa biyeteeɗo Pierre Mamboundou gaañiima heen, tawi ina njaggondiri e polis. To Port-Gentil seppooɓe ɓe njani ko e konsulaa Farayse, nduppi ɗum. E miijo maɓɓe  ko Farayse addi ɗee bone kala.

BAB