Jokkondiral am e Jibi Hammee Lih

0
1628
Sans titre-1.jpg

Pulaar wiyi ko : « Nafa yeti guurɗo woyi maayɗo ». So leñol walla leydi waasii hono ooɗoo gorko alaa e sago sunoo no feewi. Nde ngartu-mi iwde Misra to njanngoynoo-mi, ko toon njanngu-mi Pulaar, ko Yero Dooro Jallo janngini-mi.

Pulaar wiyi ko : « Nafa yeti guurɗo woyi maayɗo ». So leñol walla leydi waasii hono ooɗoo gorko alaa e sago sunoo no feewi. Nde ngartu-mi iwde Misra to njanngoynoo-mi, ko toon njanngu-mi Pulaar, ko Yero Dooro Jallo janngini-mi.

Ko Fedde janngooɓe Fulfulde/Pulaar, nanondir-mi e sosde fedde hono mayre e Muritani. Ko e hitaande 1972 e lewru septammburu ngartu-mi, miɗa ardi e eɓɓaande ndee. Mi joofiima ɗum e Fooyre Ɓamtaare T.143 lewru Feebariyee 2016. Mi haalii no jokkondiral amen ngal fuɗɗorinoo. Tawi mi anndii mo gila min njiyondiraani e fawaade e gonɗo sabaabu jokkondiral oo, hono Ceerno Aali Baro. Wonnoo fayndaare ndee ko dañde yimɓe waawɓe tammbaade golle ɗee, sabu huunde fof ko fuɗɗoode mum ɓuri tiiɗde. Ko ɗoon yimɓe ceertata e golle.

Nde miin e ooɗoo gorko min njokkondiri e ciynugol eɓɓaande cosgol fedde janngooɓe Pulaar e Muritani e hitaande 1973, ko ɗoon e ɗoon paamondiral e koolondiral fuɗɗii hakkunde am e Jibiriil HammeeLih. Ɗum jokki haa maayde.

Nde min cosi fedde ndee, miɗen e ɗeen kebule mbele e nde heptinee to laamu, Fedde Ɓamtaare Pulaar sosaa e hitaande 1974. Min tinii ɗum. Ngam woɗaade lohnude golle ɗee e luure ɗe min cooyninoo, so min mbaɗaani ko ina halloo ɗe, ɗuum woni wootiɗinde golle ɗee e nder Fedde wootere, min  ƴepti pellital e sirru yantondirde e Fedde Ɓamtaare Pulaar e yenaneede min, so min luppii ɗum, tanaaji ɗum jogori jibinoyde e peccagol golle ɗee e nder pelle ɗiɗi ɗe faayndaare wootere, ndeen woni ƴellitde Pulaar e pinal mum e rewrude e laawol pooccingol ngool woni jannginde ɗemngal ngal, ngam haɓde e majjere e baasal e ko jokkii e mum en. Alla hoddiri ko min eɓɓunoo ko woodi, ɗum woni jantondirgol golle ɗee e Fedde wotere.

Jibiriil Hammee Lih ko neɗɗo joom pellital wonande golle ɗee, juumtuɗo hakkille, jogiiɗo humpito mawngo ko feewti e golle ɗee, o nawdi heen muñal e haa teeŋti heen e nuunɗal. O anndaa wokkaade, o yiɗaa ŋaññaade e golle. Ko ooɗoo jikku ñiiɓɗo o ardi to Fedde ndee e to Duɗal Ɗemɗe Ngenndiije. O gollii golle keewde njeñtudi. Ina heddanii ɓesngu ngu e leydi ndii e yimɓe fof.

Yo Alla yurmo mo yaafoo mo, haarna mo Aljanna. Yo Alla waɗ barke e ɓesngu makko. Aamiin

Suleymaan Kan, ñalnde 03/08/2016