Oo ñalawma ko huunde mawnde to am. Teskuya : Fedde Pulaar idii soseede ɗo e hitaande ujunere e teemedde jeegom e capanɗe jeegom e nay. Sosnoo nde ko Kumaandaŋ Gay, ɗum ina foti siftoreede. Ɗum ko geɗel gadanel.
Geɗel ɗiɗmel ngel on nganndii caɗeele goodaaɗe : heblude teemedde joy jannginoowo e waasde jogaade jannginooɓe, ko caɗeele. Oɗon nganndi kadi hol ko foti wonde hakkunde pinal e ɗemngal, tawde ɗemngal ko daabaa pinal.
Geɗe keeɗe kaalaama ɗo won ko firti. Miɗo sikki ina moƴƴa nde yiilirde nde heblata goomuuji mbele ina mbiɗta, ƴeewa hol ko saabii caɗeele gondaaɗe ɗe, hol ko sabii hannde, ɗo njahraten ɗo eɗen njogii caɗeele bayɗe noon. Heddi ko geɗel gootel njiɗnoo-mi haalde : oɗon nganndi laamu ngu waɗii « Stratégie nationale de lutte contre l’analphabétisme », waɗaama, winndaama wond hankati jaŋde mawɓe waɗetaake tan e Arab, ko e ɗemɗe ɗee fof. Ina moƴƴa yiilirde nde teskoo ɗum, daronoo ɗum.
