Hitler : kaaɗi mawngu

0
2332

 

Haa hannde geɗe Hitler gasdaani jangteede. Eɗen nganndi, ndeen  o anndii hankadi ko o jogorɗo naatde juuɗe konu Riisi e gardagol Seneraal mo “moɗaani ñale” biyeteeɗo Jukov, Hitler war ɓesngu mum, wartii, hoto “añɓe mum koynude ɗum”. Ndeke, e nder kaaɗi makko mawngu ɓurtuɗi, hay leydi makko, hono Almaañ, fotaani heddaade caggal makko.

Nii woni, o yamiriino mumtugol leydi ndii so tawii poolgu laatiima, o wiyi : “denngaangal mahaaɗe konu, gila e kuutorɗe jolngo (laabi e mobelaaji ekn) e kaɓirɗe kumpital e mbaylaandi e kala geɗe naftooje gonɗe e nder laamaandi Reich ɗe gaño waawi naftoraade e sifaa baawɗo wonde kala, yo won wallitoraade hare ɗoon e ɗoon walla e ko fayi, poti ko bonneede”.

O tottunoo ndeeɗoo yamiroore ko kalifu makko ko faati e Njogitaaje biyetenooɗo Albert Speer. Sinno o haaɗno ɗoon tan, wiyee wonde o waɗi ko no heewɓe mbaɗnoo, kono o wiyi oon “So wolde waasaama, ɓesngu nguu ne waasete”, ɗum firti ko so “en poolaama e wolde, hay gooto wuurataa caggal ɗuum”.

Kaaɗi mawngu ina mbooma. Ko ɗum waɗi kala neɗɗo teeɗantooɗo haa ɓurti mawngu, heewi ko yejjitde wonde Mawɗo jom baawɗe ko gooto, ko Joomiraaɗo toowɗo oo. Yo Alla daɗndu en e ɗiin kaaɗi !