Laamuuji ɗi njoofataa…

0
253

Ina gasa tawa Mugaabe miijinoo ko lomtinde joom suudu mum e joɗnde ardorde ndee, kono ɗuum kam wonaa bulet e Afrik, ko heewi ko wayi noon waɗiino e Afrik, walla ina woodi e Afrik, so laamuuji ɗi njoofataa. To leydi Togo Gnassingbe Eyadema en ndañii duuɓi 50 e laamu, Bonngoo en to Gabon, nana e laamu ko ina ɓura duuɓi 50, to Konngo, Kabilaa en nana e laamu duuɓi 20 jooni, en kaalaani Mubaarak en to Misra, Kaddaafi en to Libi, hade mobbooru nawde ɗum en, ko Wad en enndunoo to Senegaal. To Gine Ekaatoriyaal Teodoro Obiang Nguema Mbasogo, laamiiɗo duuɓi 38 jooni, nana tutoo ɓiɗɗo pidduɗo, to Konngo Barsawil, Denis Sassou Nguesso, dañii duuɓi 38 e laamu kam ne kadi ina moggi ɓiyum …

Ɗum fof e wayde noon, woɗɓe woppuɓe hade ngoppineede ina ngoodi, fotɓe jaareede, dañɓe hakkille woppude laamu goonga e goonga, e faayiida waasde haljinde lomtiiɓe ɗum en ɓee. Ko hono ɗuum waɗi to Senegaal mo persidaa Senngoor waɗani Abdu Juuf e hitaande 1980 ; ko hono ɗuum persidaa Jilius Ñerere waɗani Aali Hasan Mwinyi to Tansaani e hitaande 1985. To Botswaana, hooreeɓe leydi ndii ina njogii aadaa woppude laamu hitaande ko adii joofgol manndaa mum en ɗiɗmo, ngam haa cukko hooreejo leydi woosa e ngardiigu hade mum ƴettude laamu rewrude e woote. Ket Masire waɗanii ɗum Festus Mogae e abriil 1998 ; oon ne waɗanii ɗum Ian Kama e abriil 2008. Namibinaaɓe kadi ina mbaɗa hono ɗuum. Jaraa haala, ko ɗuum maamaari Manndelaa waɗi nde woppani Tabo Mbeki laamu e hitaande 1999.

Woppu jaabawol

Winndu yowre maa
Winndu ɗoo innde maa