Addi Bah, lollirɗo Mammadu Haadi Bah, ko pullo Ginenaajo, jibinaaɗo to Pelli-Fulayaaɓe to Gine Konaakiri ñalnde 25 desaambar 1916, cankiiɗo ñalnde 18 desaambar 1943 to Epinaal (Farayse). O angisinooma e konu Farayse e hitaande 1939, e nder taƴre konu tiraayeer Senegaalnaaɓe. Almaañnaaɓe innirnoo mo ko « ownoowo ɓaleejo » (Der schwarze Terrorist) sabu makko jeyenoode e « dartaninooɓe Farayse » e suuɗaare (résistance française), nde o tawtoynoo, e oktoobar 1940.
Almaañnaaɓe njaggi mo ñalnde 18 noowammbar 1943, leepti mo, pelli mo ñalnde 18 desaambar 1943, sabu makko salaade haaltude. E hitaande 2010 petto bal biyeteeɗo Lillan Thuram mawninii mo e deftere mum « mes étoiles noires » (koode am ɓaleeje). Ganndo, binndo mawɗo Ginenaajo biyeteeɗo Ceerno Monenemmbo kadi innirii mo deftere mum « Le Terroriste noir » (Ownoowo ɓaleejo).
Bookara Aamadu Bah
