Kayhayɗi : Rewɓe sappo keblaama e ñootol

0
1013
Kayhayɗi, rewɓe sappo keblaama he ñootol

Fedde FONADH e Eɓɓoore Concordis ballondiral Ammbasad leydi Angalteer keblii rewɓe sappo ummiiɓe e gure joyi (Boowel 1, Boowel 2, Gurel Gobi, Garli e Jekituuba). Heblo ngoo yowitii ko e janngude ñootol. Hebli rewɓe ɓee ko Aminata Umaar Bah , kebloowo to Duɗal Keblorgal karallaagal (Centre de Formation Professionnelle). Heblo ngoo waɗi ko to ñiiɓirde fedde nde wonaa laamuyankoore wiyeteende E A F T (Heblude Jannginde Debbo Gooboowo). Masiŋaaji ɗi ɓe keblaa ɗii ko masiŋaaji joƴƴinteeɗi e leydi tawi ko junngo yirlata ɗum. Gila e ñalawma gadano rewɓe ɓe puɗɗiima tigi rigi diirnuude masiŋaaji. E nder rewɓe sappo ɓe heen nayo meeɗiino hebleede to bannge ñootol, heen ɗiɗo (Rewɓe Boowel 1) ko fuɗɗiiɓe ɗigginde tigi rigi , darnde maɓɓe e tiinnaare maɓɓe ina teskaa no feewi . Huufi golle ɗee ko jooɗaniiɗo fedde FONADH e diiwaan Gorgol.

Jaŋde masiŋ ñootoowo waɗi ko doge ɗiɗi : Janngude ñootol (ɗum ko waawde huutoraade masiŋ oo) e janngude taƴgol. Ina wayi no ɗeeɗoo doge ɗiɗi fof ɓe mbaɗii ɗum. Heblo ñootol e nder balɗe joyi ina famɗi no feewi, kono ko meeɗnel tan, heddii ko kamɓe heblaaɓe ɓe ɓe njokka golle so tawii ɓe ngartii e gure ɗee. E wattan heblo ngoo wuro fof heɓii masiŋaaji ɗiɗi, piisuuji joyi, bobinaaji gaaraaji sappo mawɗi, mecekke (sisooji) ɗiɗi, blastik e kaɓirɗe goɗɗe.

Gooto e tawtoraaɓe heblo ngo : « Mbiyetee-mi ko Karjatu Mammadu Jallo, njibinaa-mi ko hitaande 1998 to Boowel 1, mbiɗo yetta Alla no feewi, mboɗo jaara ɓesngu Boowel no diidorii ngam jogaade e am hoolaare suɓaade mi yo mi yahan ɗumen heblo ñootol ngo Fonadh e Concordis njuɓɓinnoo ko ina wona heblooji ɗiɗi e ballal AMCC 2. Mboɗo jogii heen weltaare e coftal sabu nde ummatoo-mi galle amen hay dara mi anndaa e ñootol, hannde noon alhamdulillahi, mi waawii ñootde kala ko weli-mi, ɗum kadi mboɗo ñaagoo nde heblooji ɗii njokkata haa ɓura ɗoo. Mboɗo yetta hoddiiɓe amen safalɓe, ko ɓiɓɓe yummiraaɓe amen ɓe min njogodii koɗdigal moƴƴal».

Usmaan Ñaan –Kayhayɗi

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.