Catal Baabaaɓe jooɗiima e batu kuɓtidinngu ñalnde 27 morso (sulyee) 2023 e tawtoreede 37 tergal nder 60. Caggal kollitgol doosɗe Fedde ndee e tuugnorgal golle mum, batu nguu toɗɗiima yiilirde aroore ndee :
Hooreeɓe teddungal :
- Bah sidiiki Aali
- Sal Ibarahiima Yero
Terɗe yilirde siynoore
- Hooreejo : Umar Mammadu Baal
- Cukko hooreejo : Ummu Aamadu Sal
- Koolaaɗo Kuuɓal : Sanum Alasan Sal
- Kalfinaado Ngalu e kalis : Ibrahima Usmaan Jah
- Kalfinaado Nehdi e Jaŋde : Siidi Yero Dem
- Kalfinaado Pinal : Salamata Alasan Bah
- Kalfinaado Eddaagu: Faatimata Abdulaay Bah
- Kalfinaado Kumpital e Dallinannde : Ibrahima Alfaa Jah
Eɗen ciftina tan Catal Baabaaɓe ko Catal ɓooyngal e nder Fedde ndee, sibu ngal sosaa ko ñalnde 6 saawiyee 1982.
E ooɗoo sahaa catal ngal ine darii e sosde peŋɗe e udditde duɗe nder wuro hee. Fedde ndee ine heewi jagge jeyaaɗe Baabaaɓe, gaa gaa terɗe Catal ngal. Eɗen mbaawi limtude heen meeɗnooɓe wonde terɗe Yiilirde ngenndi (Abuu Usmaan Bah hooreejo teddungal haa nde sankii e hitaande 2010, Mammadu Bookara Lih Mammadu Maamuudu Baal) walla terɗe Goomuuji ngenndi (ko nanndi e Sileymaan Baal, Aliu Sidiik Bah en, ekn). Maayɓe ɓee yo Alla yurmo ɗum en yaafoo ɗum en; wuurɓe ɓee yo Alla juutnu balɗe mum en, moƴƴina battane mum en. Aamiin.
Fooyre Ɓamtaare
