Catal Fedde Ɓamtaare Pulaar he Muritani to Gural yuɓɓinii batu kuuɓtodinngu ñalnde aset 16/04/2026 ngam waylude yiilirde mum e gardagol hooreejo catal ngal, hono Aamadu Demmba Bah e tawtoreede nelaaɗo yiilirde ngenndi, Abuu Kan kalfinaaɗo Kumpital e Dallinannde.
Yimɓe wuro ngoo haa nii ummiiɓe to Eeleega tawtoraama ngal pottital. Caggal haalannde koolaaɗo kuuɓal ngam siftinde sabaabu batu nguu, ko hooreejo catal ngal ƴetti konngol, bismii tawaaɓe ɓee, holliti ardiiɓe catal ngal, siftini doosɗe fedde ndee, waggini ngardiigu nguu ine naamnii ƴiiƴam kesam. Caggal ɗum, suɓotooɓe yiilirde hesere toɗɗaa. Ɓeen njoñtii, ndiisnondiri, nanondiri, kolliti ɓe hakkillaaji mum en toɗɗii ngam lomtade yiilirde ɓennunde ndee.
Ko ɓeeɗoo toɗɗaa yo ngardo catal Gural e ooɗoo sahaa
Hooreejo : Abdullaay Jallo
Koolaaɗo kuuɓal kalfinaaɗo njuɓɓudi e eddaagu: Saydu Umaar Lih
Kalfinaaɗo jaŋde mawɓe, gaggaaji e heblo : Muniiru Kan
Kalfinaaɗo pinal: Hammadu Galo Bah
Kalfinaaɗo Kumpital e Dallinannde : Hawwaa Aamadu Lih
Kalfinaaɗo Kaalis e Ngalu : Mayram Alasn Bah
Kooroowo ngalu : Aysata Alhuseynu Bah
Ko nii yiilirde hesere ndee toɗɗiraa e dow nanondiral e weleede terɗe catal ngal kala, kadi yahdude e kelle belɗe.
Ngam siftinde, Wuro Gural woni ko sara Eelaaga laamorgo diiwal Barakna.
Abuu Aamadu Kan