– Laɓɓinde jeyi, duwaawuuji e baa
– Donondiral
Asakal, sabu mum wonde sadak, ene laɓɓina kala jeyi julɗo, etee ene siftina ɗum wonde alaa dañal ngal o jeyi, ko Alla hokkata mo ngalu ngu ngandu ɗaa miskiino (baasɗo) ene jogii heen hakke. Asakal, toɓɓannde mum ko laɓɓinde fittaandu aadee, haɗa ɗum wonde borooɗo e jiɗɗo jawdi.
Woni darnde ooɗoo sadak ko wallitde miskiino e baasɗo e ñawndude caɗeele ɗe ɓe kawrata ɗe. Ɗum wayi ko no lempoo ballondiral mo juulɗo yarlitii yaltinde. Tonngol 2akkeende toɓooli e nder Fuuta e ndee ɗoo hitaande (2006?) ene foti jeertinde en sabu heegeeji ɗi ɗum waasataa addude. Ko ɗum tagi alaa e sago wooda ko waɗaa ngam falaade oo fatara.
Mi winndii ɓataake feewde e Jumaa wuro Paris, ngam naamnaade ɓe mbele asakal ene waawi rokkireede e rewrude e fedde. Ko ɗum ɓe njaabii mi : « So lor keñoraaɗo ɗaɓɓii, juulɓe ene mbaawi yamireede yettinde asakal denndinangal (;akaat al Maal walla ;akat al Fitr) e nder leyɗeele ɗo juulɓe woɗɓe koɗi.
Hokkude juulɓe asakal e nder ɗeen leyeele ene yamiraa e dow nanondiral seernaaɓe (consensus des Ulémas (Ijmâ’), etee ko ɗum nii ɓurani yoga e seernaaɓe ñaawooɓe ɓe. » Ittaa ko e ñaawoore/yamiroore Sheek Faysal Mawlami
(Fatwa du Cheikh Fayçal Mawlawi, jurisconsulte et membre du Conseil Européen de la Fatwa et de ŋecherches). Joofii ɗo.
MAYMUUNA CAAM