Baɗal safaara kaawningal : goo nder winndere ndee, ko jokkere ñaayre yitere ine wumtina debbo mo duuɓi 67. Ɗum waɗi ko to Itaali, kabaaru oo saaktaa ko weetndoogo talaata 28 sulyee (morso) 2026 he jaaynde 20 Minutes e AFP, waktu 04 pawɗo 34 hojom.
Ngal baɗal safaara jaltungal aada, maa ɓeydan humɓe heewɓe yaakaare heɓtude jiyle mum en. Oo debbo jahroowo e duuɓi 67 gumtinaaɗo wiyetee ko Elena « ngumndam ardi e makko ko e felɓannde laawol, barngol tinol yiyngo yitere nanere, lewño natti waawde yahde ngaanndi, kono tawi tippule yiyngo keddiiɗe ɗee kala ine kisi », e wiyde bayyinaango opitaal Molinette to Turin. Yitere makko ñaamere ndee noon ko nattunoonde yiyde sabu ñawu yitere keɓtinoongu ɗum.
BAB