Yeru : gagga e jiiɓtol mum
Aamadu yahii jehre soode kaɓirɗe udditirɗe ekkol. Jeeɗaɓe ɗiɗi (2/7) kaalis mo o nawnoo oo, o soodiri ɗum defte. Caggal ɗuum, o ƴetti joyaɓe nay (4/5) ko o heddoraa koo, o soodi comci. O soodiri feccere ko heddii koo kartaabal. O ƴeewtii poos makko o tawi omo heddoraa 543 ugiyya. No foti o nawnoo ?
Eɗen ndokka yeru jiiɓtol gagga oo.
- Ko idii fof mi maandinira ko Aamadu joginoo koo, pecce 7 (e fawaade e no wiyraa e gagga hee nii, jeeɗaɓe ɗiɗi (2/7).
- Ko o soodi defte koo, ko jeeɗaɓe 2, ndiiden ɗe, heddoo pecce 5.
- Pecce 4 e nder ɗeen pecce joy keddiiɗe (joyaɓe 4) o soodi comci. Ɗum diidi ñeñi hakkunde ɗii. Heddii jeeɗaɓal gootal.
- Feccere ngaalɗoon jeeɗaal keddingal ko 543. Nii woni kartaabal ngal jari ko 543.
- Ɗum noon, jeeɗaɓal gootal ko 543 x 2 = 1 086 mb.
- Waɗde jeeɗaɓe 7 ɗee ko 1 086 x 7 = 7 602.
- Ɗuum woni ko Aamadu nawnoo jehre ko 7 602 mbuuɗu.