Ñalnde 18 duujal (mee) 2024, kawgel haala hakkunde ekkolaaji toowɗi gonɗi he Nuwaasoot to Ganniiru ngenndi. 26 sanɗa kihondirii heen, gooto kala holli mbaawka mum e hattan mum to bannge waawde haala (discours) yeeso yimɓe heewɓe. Kalanɗe ɗee kadi mbaɗaa ko he ɗemɗe genndiije leydi ndii, hono pulaar, sooninke, wolof e arab, yantude e farayseere.
Kala heen ɗemngal suɓanaa ñaawooɓe tato yo ñaaw sukaaɓe ɓee he kaalanɗe mum. He nder ɓeen sukaaɓe 26 ummiiɓe he ekkolaaji ceertuɗi, ko sukaaɓe 16 keɓi yawtude heen faade kihondiral cakkital baɗowal ñalnde 15 korse 2024.
Aamadu Dulo Sow