Kala catal FVPM gonngal ɗo e Nuwaasoot ina foti yuɓɓinde sete mum seppo mo keeweendi mum dottaaka (sabu fawii ko e mbaawka catal kala) ;
Kala catal FVPM gonngal ɗo e Nuwaasoot ina foti neldude Goomu Pinal Ngenndi yimɓe nayo (fotɓe seppude e dow heblo goomu ngu.
Wejo : defte Pulaar e geɗe pinal e ñeeñal e karallaagal fulɓe;
- Fitiramgolleeɓe men wonɓe ɗo e Nuwaasoot, kam e cate FVPM gonɗe nder e caggal laamorgo ngo, ene ɗaɓɓaa nde ngaddata heen mbaawka mum en, nde mballitta en e huɓindaade geɗe pinal fulɓe e fawaade e kattanɗe mum en e jogogal mum en, tawi keeweendi kaɓirɗe ɗe dottaaka. Zee geɗe kala ina coklaa :
- kaɓirɗe (gollorɗe) ngaynaaka : lahal, burgal, mbeɗu, tooñɗe, ɓirdugal, kelɓungol, jaañtere, daɗol ekn…
- kaɓirɗe (gollorɗe) ndema : njinndaangu, jalo, jammbere, sakaade, goppu, karba, lottundu, ngoobaan, horde (aawdi, mbekkudi ….), cengelal, gaccungol, basaale, ekn…
- kaɓirɗe ñaantule : tenngaade, maage, wutte, wudere, ekn …
- Kala mo ina ara yo ƴeew ko waawi dañde fof addora, e fawaade e mbaawka mum.
- kaɓirɗe fitiram golleeɓe ɓee e koye mum en, mo woni kala e fannu mum mo heerorii.
- Wonande geɗe denndaaɗe (ɗe pawaaki e gollal walla hinnde) ene mbaawi holliteede e seppo maa wejo.