En tawaama ñalɗi ɗii, kadi ɗi ndewii laawol. Yo en maandito duuɓi keewɗi, tawo ena wondi e cellal. Paylaande ina njettii pulaar ina ɓamtii, sukaaɓe ɗemngal ina ndaranii.
En njettat mawɓe men ardiiɓe ɗee golle haa mbaawi laataade. En njaarii hoɗɓe men waawɓe, nootitaade he noddaandu men. Ummiiɓe Senegaal hono arɓe he innde lewlewal, kaaldigal. Hono Ceerno Abuu Sih e Abuu Gay, golle maɓɓe e darnde maɓɓe yiyaama. Kadi miin, won ko lewlewal kaaldigal waɗi ina mawni e am saɗne. Sabu ko ɓe mbaɗi koo weeɓaani waɗde, addude defte keewɗe yo FƁPM wallitoro ɗuum, ko huunde mawnde ! Ɓe njaaraama.
Mi yiyii toon yimɓe mawɓe he ñalɗi ɗii, tawa duuɓi mumen keewii, kaɗtanɗe ustiima. Kono tan yiɗde hoyre mum e daranaade leñol mum, ko ɗuum addi ɓe, ɓe ñaagaama heen yaafuya.
En njiyii toon hoohooɓe tedduɓe, arɓe nootitaade en, jaagorgal pinal e ñeeñe Huseyni Wul Meddu e Jaagorgal Kuuɓal Laawmu hono Caarno Muttaar Lam, e mawɗo men sarɗiyanke men Kajjata Maalik Jallo e Joob Aamadu Tijjaani e mawɗo Sammba Caam, e denndaangal hoohooɓe arnooɓe toon, min nduttii on teddungal, on njaaraama.
En njettii en njaarii rewɓe adduɓe toon ñameele mumen, tawa ko ñameele men ɓooyɗe. Ɗe won he sukaaɓe men hannde nganndaa, ɓe njaaraama
Cate garɗe nootitaade, he ñalɗi ɗii njettaama he darnde e fiɓnde mum en
Miɗo duwanoo jiknaaɗo am Bookara Aamadu Bah, nde Geno juutnata balɗe makko, e barke makko, sabu darnde e golle makko e pulaar oo, jaaynde fattamlamiire nde o yaltinta kala lewru.
E kattanɗe Geno, joom binndi mi heɓiino yillaade galle FƁPM ñalnde 7/6/2026 e ballal Ceerno Elimaan Kan. Mi yiyii galle oo, kadi wonanii kam weltaare mawnde saɗne.
Galle oo ina yuɓɓinaa haa yuɓɓi fof ina tawe ɗoon. Ɗuum ko golle he darnde waɗi ɗum. Sukaaɓe ɓee ina poti ñemmbude ɗee golle, sabu mo hiraani wuurɓe ñemmbataa maayɓe.
Sukaaɓe so wonii ko nodditto-ɗon he ɗemngal ngal koo ko goonga e mon. Njanngee, mbiɗtee, mbinndee, ngoongɗinon ɗemngal ngal tiiɗnon fiɓnde mon, ko ndeen yettotoo payndaale mon.
Aminata Aan, Jontaaɗo Ngenaar