Huunde e terɗe yiilirde ngenndiire Fedde Ɓamtaare Pulaar e Muritani ummaniima janngude huutoraade ordinateer. Ina wayi no ɓe puɗɗiima ngoon heblo ñalnde alkamiisa 2 settaambar 2010. Ngal ɗoo daawal heblo gadanal joofata ko ñalnde aset 4 settaambar 2010. Ko ɓuri teeŋtude e heblo ngo ko e Pulaar waɗetee. Tuugnorgal ngal ko :
- anndude ordinateer e taariindi mum ;
- waawde huutoraade toppirde Word ngam feewnude winndannde :
- humpitaade huunde e geɗe internet (jokkondiral e njiylawu). Kebloowo o kadi ko tergal Yiilirde Ngenndi, hono Bookara Aamadu Bah. Ngoo ɗoo heblo ina wayi no ko fuɗɗoode tan. Maa ñalɗi goɗɗi keewɗi njuɓɓine mbele jagge fedde nde ina kuɓindoo ngaI ɗoo karallaagal.