Ngam yiɗde semmbinde coñce e hirjinde sukaaɓe ɓe haa mbaawa fentude ko feewti e coñce, e dow woƴeede goodaangal softeende e nder weeyo deeƴre, e dental, e kormondiral, e tuugaade e taƴre 10 paandaale fedde nde feewtunde e cukaagu, Fedde Kattu Mintu Bukkari ene bayyina wonde ma yuɓɓin Njeenaari e kala hitaande ngam wallitde pentugol coñce. Hitaande kala, lowe njeenaari ndi ma toɗɗe. Wonande hitaande hikka nde, Fedde KB toɗɗii ko fannu jime goowaaɗe e nder ɗemɗe Arab, e Hasaniyya, e Pulaar, e Soninke, e ɓolof, lowre jime ɗe ko ngootaagu ngenndi. 4 Sarɗiyeeji tawtoregol :
- Tawtorteeɗo o foti wonde ko muritaninaajo, koɗɗo e leydi ndi, duuɓi makko so heewii foti wonde ko 45 ñande 1 saawiyee 2008 ;
- Yimre nde yo a taw meeɗaa muuleede ;
- Yimre nde foti waɗde so famɗii ko duƴƴe 20, so heewii ko duƴƴe 35 ;
- Yimre nde ene foti tappeede (winndeede) e masiŋ ;
- Yimre nde foti wonde ko e Arab, walla e Hasaniyya, e Pulaar, e Soninke, maa ɓolof ;
- Jime garɗe e kawgel he ngontata ko jey Fedde nde ko aldaa e duttal ;
- Lajal joɗɗingol jime ɗe gasata ko ñande 30 noowammburu 2007 ;
- Kala kawɗo, ardii e njeenaari ɗemngal kala, wontaa tawtoreede e kawgelaaji paaɗi arde;
- yiɗɓe tawtoreede kawgel ngel poti yettinde jime mum en ko to jonnde Fedde KB, e nder waktuuji golle, walla neldira ɗe e wakannde ɓataakeeji w.ɓ. 761 Nuwaasoot, walla neldira ɗi e internet e ndeeɗo ñiiɓirde : poesie@fondation-kb.org 4 Njeenaaje ɗe : E ɗemngal ngenndiwal kala, njeenaaje ɗiɗi ma ndokke yimɓe ɗiɗo ardiiɓe heen e kawgel ngel :
- Njeenaari 1 : Gardiiɗo o heɓata ko teemedde joy ujunere (500 000)
- Njeenaari 2 : ;iɗaɓo o heɓata ko teemedde ɗiɗi e capanɗe joy ujunere (250 000) 4 Ñaawooɓe ɓe : Ñaawooɓe haralleeɓe ma toɗɗe wonande kala ɗemngal jeyangal e kawgel he.
Dokkitgol njeenaaje ɗe :
Kewu dokkitgol njeenaaje ma yuɓɓine ñande 13 saawiyee 2008 e dow tawtoreede jaayndeyankooɓe e hoohooɓe tedduɓe. Jiɗɗo ɓeydude humpito mum heen fof yo o noddu ndeeɗo tonngoode : 735.00.90 Yiilirde Kumpital Firo : Aamadu Umaar Jah