Gila altine 16 marse, hooreejo leydi ndii, hono Muhammed wul Abdel Asiis woni ko e njillu to fuɗnaange leydi ndii, hono diiwaan Neema e Ayyuun.
Alaa ɗo o heddi e ɗiin nokkuuji sibu o waɗi ko wuro e wuro. O batdii e ardiiɓe ɗiin nokkuuji, o naamndii caɗeele mum en. Ine wiyaa o jaɓaani hay gooto hollita mo haaju keeriiɗo. Ɗum ɗoon noon welataa heewɓe, sibu yoga e jagge ko ɗiiɗoo fartaŋŋeeji keewnoo yahde jaɓɓoyaade mo cuuɗi mum en mbele omo teskoo ɗum en, wooda ko o nomi ɗum en; hono no Maawiyaa waɗatnoo nii tan. Ko ɗum nii waɗi Nuwaasoot ina yeewi e oo sahaa, sibu yoga e jagge ko jahɗe jaɓɓungal walla keɓɗe cuuɗi mum en ina pooftoo, hade mawɗo leydi artude. Abdel Asiis ɗoftatnoo Maawiyya e njilluuji mum nder leydi, ndeke o majjaani ko soomii e majji koo. Omo anndi kadi, haa hannde ko jaɓɓotonooɓe Maawiyya ɓee tan njaɓɓitoytoo mo nder leydi too.
Heddotoo ko o saloo nanndude e oon, walla o nooynoo…