Udditgol lowre fulaniface.com e fulfulde
E balɗe jawtuɗe ɗee, lowre internet wiyeteende fulaniface.com udditii, tawi ko e fulfulde (Fuuta Jaloŋ). A nde seerti e lowe goowaaɗe ɗee e mbaadiiji ɗiɗi : - Ko nde lowre dingiral renndo (walla mbiyen gaccu renndo) woni «réseau social », tee ko nde funeere facebook ; - E nde wona e fulfulde.
En udditii heen konte, cuɓi-ɗen yo lowre ndee won e fulfule (ƴeew nate ɗee)... Ɗumɗoo kadi ko golle peeñɗe, ɗe fulɓe Ginenaaɓe ngollii, potɗe maneede.
Ko tagi rewɓe ɓuri worɓe heewde haala ?
Mi yiilaaki haɓeede, ko jam tan njiɗ-mi. Kono, nde jiy-mi ngalɗoo naamnal e nder internet "Ko tagi rewɓe ɓuri worɓe heewde haala ?", mbiy-mi « eyyoo, jooni neɗɗo faama ko tagi ɓee soknaaɓe so ina njeewta, ngonata tan ko e wullude, tee hay gooto heɗotaako goɗɗo oo, ɗo ɓe ndenti kala hay gooto nanataa ? »
Ngonka komin Faraa Liitaama, nder Magaama
Komin Faraa Liitaama ina waɗnoo pecce ɗiɗi hakkunde lanndaaji ɗiɗi. Kono, e dumunna cakkitiiɗo oo, gila e nguurndam Bah Mbaare, pecce ɗiɗi ɗee kawritiino e wontude lannda gooto. Ko ɗum saabii lappol mawngol waɗaa ummaade Nuwaaasoot ñalnde 27/03/2013 feewde falnde Magaama haa komin Faraa Liitaama.
Nayaɓal jawdi Obama yahata ko e sadak !
E hitaande 2012 maaynde ndee, Barak Obama dañii 600 000 dolaar (177 miliyoŋ ugiyya). Kono, so lempoo ittaama heen (18,4%), o ngalu makko artata ko hedde 145 miliyoŋ ugiyya. Ko nii iwdi nguu ngalu feccitorii : hedde tataɓe ɗiɗi ko njoɓdi makko hitaande (hedde 110 miliyoŋ ugiyya), ko heddii koo k geɗal makko e njeeygu defte ɗe o winndunoo.
Diine : laaɓal (3)
O wiyi nelaaɗo Alla (MJKM) wiyiino « ɗumɗoo wonaa soɓe, waɗi noon ko ɗum huunde ɗuufniinde e nder mon » Naniraa ɗum ko njoyo. Tirmiis wiyi hadiis oo ina moƴƴi, ina selli, ngam sellinii ɗum Bukhaariyyu e woɗɓe.
Amerik ina yiɗi ñaawde Antoñoo Injay
Antoñoo Injay (Antonio Indjai) wonoo mawɗo konu Gine Bisaawo. Kanko Antoñoo Injay noon, o yiyndiriino ɗoo e Nuwaasoot e Asiis, ñalnde 15 desaambar 2010 ɗo galle laamorɗo ɗoo, haa tele Muritani yaltini ɗum. E wiyde Al Akhbar, oon sahaa ɓe kaaldiino « ko faati e tarafikaaji dorog cokanooɗi e Muritani ». Jooni noon, Amerik ko takkuɗo oon « njeeygu dorog e njogitaaje».
Hol mo Otmaan Alawi haaldata ɗoo ?
Ñalnde alkamiisa 28 mars 2013, lowre internet wiyeteende « essiraj » bayyinii yeewtere e ɗemngal Arab, yowitiinde e termo-termo niɓɓo hakkunde yimɓe ɗiɗo. Ine wiyee ko hooreejo leydi ndii, hono Muhammed wul Abdel Asiis haaldatnoo ɗoon e neɗɗo goɗɗo, ina sikkaa ko iraknaajo biyeteeɗo Otmaan Alawi, neɗɗo ganndiraaɗo waɗde geɗe ɗe peewaani.
Ko kanko Malinaajo biyeteeɗo Hamed Umar, haalnoo innde mum, nde takkata Muhammed Abdel Asiis meeɗde jokkondirde e mum ngam wostaade dolaar ñemmbaaɗo to leydi Ganaa e hitaande 2007…
Yarƴiiƴo gollotooɓe
Pelɓondire mbaɗii ñalnde altine 22/04/2013 hakkunde dokkeer en (roondotooɓe) e sanndarmori, ɗo Poor Nuwaasoot ɗoo. Heewɓe e roondotooɓe ɓee ngaañiima heen. Heen woɗɓe kadi nanngaama. Caggal ɗuum ko roondotooɓe wonɓe e jehreeji Nuwaasoot ...
Alluwal Danewal, TBI : “tableau blanc interactif”
Ko jooni ngalɗoo karallaagal yettii e Muritani, sibu ko e yontere ɓennunde ndee (9-16 mee 2013), huunde e jannginooɓe (duɗe keblirɗe jannginooɓe Muritani ENS e ENI, e jannginoowo gooto e nder duɗe jaŋde hakkundeere ....) keblaa e kuutoragol ko wiyetee Alluwal Danewal Jaabtoongal (Tableau Blanc Interactif).
SNIM Suwoyraat : juulde 50ɓiire laana njoorndi
Ko e nder ɗee kaaƴe cuurkooje nguleeki , ɗo leydi yerɓata kuɓeeje ndimmboo ngam ottanɗe miinuuji, yaltinoore kennebe e kelle nguleeki, ɗo kaacaali e ɓiicaali kam e diiraali laaɗe njoorndi, ɗi leppi e lappi cor-sortooji, ɗo liggotooɓe gila subaka haa jamma njoftaani, ñallooɓe ñaamaani, njaraani, ndonka ko kirtii, gollotooɓe MIFERMA ɗuggiti to oogirde suwoyraat ñalnde 12-seeɗto (avril) 1963, laana njoorndi ngadana fayde e hawngo pakkeeji Nuwaadibu.
“Ganagate” : ina wona walla ko haala tan ?
Caggal nde depitee Faraysenaajo oo takki wul Abdel Asiis ko takki ɗum koo, Mustafaa Limaam Shaafi fawtiino heen wonde “ko wiyaa e Asiis koo ina woodi, sibu kanko e hoore makko o tiniino wonde Abdel Asiis ina moddi e hafeere waɗnoonde to Ganaa, e yonta mo Eli ardinoo Muritani oo ». Ndeen hafeere waɗnoonde Ganaa noon, ina gasa tawa woni ko e laaɓande yimɓe, sibu, ñalnde 27 marse 2013,
“Geese” taggaama wortaaka, “geese” goɗɗo wertaama !
E hitaande 2007, caggal wooteeji laaɓtuɗi hooreleydaagal e nder lewru saawiyee, Siidi Muhammed wul Sheex Abdallaahi fellitii darnude fedde lollirnde ANAIR fotnde huufde gartaangal mooliiɓe to Senegaal e daaynooɓe feewde Mali ngam naattinde ɓe e nder leydi hee, rokkita ɓe hakkeeji maɓɓe walla kam daama ɓe e lor mo ɓe kawrunoo oo.
