Fulfulde heɓii lowre diina e pinal

 

Fulɓe gine hino wi’a: “Si gooto kala okkii ko mari, haray nguddo alaa”, hannde hannde, ɗemngal pulaar-fulfulde hino hanndi e walliteede e bannge ɗen fow fii no ɓamtal wonira ko sutani-ɗen yeeso, mo ƴeeii non ka saare internet o taway ɗemngal men ngal hino jogii lowe kumpite ɗuuɗuɗe, ɗe hino darii fii ɓamtal pulaagu, ɓen no weltanaa hiɓe du’anaa muraadu moƴƴuru.

Tagofeere hoɗotoonde woɗnde yiytaama

Ɓooyii ko annduɓe ngoni e yiylaade mbele e faru Alla hee, alaa nokku goɗɗo woni heen tawa ko koɗotooɗo walla koɗaaɗo. Ina jeyaa e ɗiin njiylawuuji ɓarakke nguurdam dow lewru e marse e tagopeeje goɗɗe. Jooni noon ɓe njiytii yuɓɓo naange woɗngo ɗo nguurndam aaɓnotoo. Ɗumɗoon noon wonaa tinndol, ko huunde laaɓtunde. 

Nafisatu Jallo heɓii ngoyrudi

 

Ñalnde 10 desaambar 2012, heedanooɓe Nafisatu Jallo e Dominik Toros Kan (DSK) mbaɗdii maslahaa ngam deƴƴude haala ngonnooka hakkunde ɗiɗo ɓee. Dominik Kan ina rokka Nafisatu Jallo kaalis mbele ina woppa wullitaango mum joɗɗinnoo to ñaawoore leydi Amerik. Kaalis oo noon anndaaka no foti, kono won wiyɓe o yettiima miliyoŋ dolaar Amerik (teemedde tati miliyoŋ ugiyya).

Al Hajji Mahmuud BAH : Ngaynaaka e almudaagal (1)

Ciftoren, eɗen poti siftorde ko hikka waɗti duuɓi 36 ko lampa diine mawka, annoore ganndal seedtinnde, timmoode waliyaaɓe laaɓtunde hono Alhajji Mahmuudu Bah Jowol (yo yurmeende Alla won e makko) ruttinoo e joom mum, ñalnde  alarba 04 lewru siilo hitaande 1978.

Ciftoren, eɗen poti siftorde ko kanko wonnoo mo annduɓe mbiyatnoo Liwal-Barooɗe udditnongal duɗe Alfalah e nder leyɗeele Muritani, Mali, Senegaal, Gine, Kameruun, Liberiyaa, Konngo, Sayiir e Gaboŋ ngam jannginde ɗemngal arab e sarde diine Lislaam e nder jookli Afrik.

Binnditagol : “ko faayaa e jamma fof ko heen woni”

Kabaruuji keniiɗi kabrii Alakbar wonde jamirooje ummoriima e laamu ngam winnditaade saharaanaaɓe, naatna ɗum en e etaasiwil ɓetguuro Muritani (ɗum woni ɓeen mbaɗta hiiseede ko Muritaninaaɓe.) Ko ɗuum faamninta en ɓeydagol keeweendi yimɓe jaawngol teskangol e nder rewo leydi ndii. Jooɗaniiɗo Alakhbar habrii kadi wonde tillisaaji keewɗi ndarnaama toon e suuɗaare ngam jaɓɓaade Saharaanaaɓe arooɓe

Sikle Kayhayɗi

Ñalnde aljumaa 28 desaambar 2012, kewuuji ɗiɗi diine njuɓɓinaama Kayhayɗi. Kewu ngadanu nguu ko silke deftere Quraana. Ardii mo ko Ceerno Mamma Bah. Yimɓe heewɓe nootitiima e makko, gila e ummoriiɓe e nokkuuji Muritani goɗɗi, haa e ummoriiɓe caggal leydi : leyɗe catiiɗe haa to Amerik, Orop e Asi. Ɗumɗoo ko e aadaaji Kayhayɗi ɓooyɗi, kono goppanooɗi.

Bah Mbaare Sammba Bakkaar

Jibinannde. Taan Kajjata Siree Sammba Joom e Bakkaar Siidi Konko Siree Sawa Laamu, taan Ceerno Hamediin e Ummu Jeliyaa, Bah Mbaare Sammba Bakkar jibinaa ko e hitaande 1946 e nder galle lawakooɓe deeniyankooɓe Waali Jantaŋ, Waali gural Sule Buubu Gaysiri Dewal Sawa Laamu Yero Jam Koli Tengella. Yumma makko yalti ko e galle jeŋjeŋɓe, seernaaɓe wuro Ɓoggel Fadduwaa, wiyetee ko Habii Ceerno Hamediin Jeŋ walla Habii Ummu Jeliyaa. Baaba makko, kanko Mbaare, wiyetee ko Sammba Bakkaar Siidi Konko Siree Sawa Laamu Yero Jam Koli Tengella, jiidi ko e Boy Bakkaar, Jaanga Bakkaar, Faatumel Bakkaar e Ayse Bakkaar.

Koolol Kayhayɗi

E maayirɗe hitaande 2012, kewuuji tati mawɗi kadi mbaɗii ɗo Kayhayɗi ɗoo. Heen gooto ko koolol, ɗiya ɗiɗi ko kewuuji diine, so Silke deftere Ɓuraana e udditgol jumaa Gataaga.

  • Koolol Kayhayɗi ñalnde 18 /12 / 2O12.

Ummiiɓe Moonngel ko fulɓe e safalɓe. Ɓe ngaddii finaa tawaa mum en haa timmi, gila e ngaynaaka, e moori, kadduki. Seppooji ɗii puɗɗii ko waktu sappo e go’o haa sappo e ɗiɗi ina fawi hojomaaji seeɗa. E mbaadi seppo, Monnguelnaaɓe ko kañum en fof ceppidi. Ɓe mbaɗi ko pullo ardii capaato rewi heen, ɗuum ko wonande rewɓe ɓee.

Coftal pelle politik e maayirɗe 2012

 

2012 joofrii mooɓondire pelle politik, hono mooɓondiral gaadoraangal tataɓal UFP (Dental Doole Ɓamtaare) tuggi 27 haa 31 desaambar, e mooɓondiral ɗiɗmal Tawaasul udditnongal ñalnde 20/12/12. Ina jeyaa e geɗe teskinɗe baɗɗe e maayirɗe hitaande 2012 ndee kadi,  batu diisnondiral AJD/MR e Pottital RFD.

E Muritani, waɗiino e hitaande 2012

To bannge renndo e faggudu laamu nguu ɓeydii njoɓɗeele fotde sappoɓal, kono coodguuli geɗe nguura cowiima laabi ɗiɗi ɗo njahratnoo (ɓeydiima fotde 100%), ronkere golle kadi yettiima tolno mo meeɗaa yettaade e leydi hee. Hitaande yawtunde ndee ina maantiniri kadi geddooji safrooɓe e jannginooɓe .... To bannge renndo e politik noon, ɗee geɗe ina njeyaa e kewuuji ɓurɗi maantinde e hitaande ɓennunde ndee :

Suwoyraat : Koolol Almaddaagal

Jaaroore Nulaaɗo Allah ɓurnaaɗo winndere. Yeɗeede ɓuri yiɗaneede. Caggal yettude Allah e juulde e nulaaɗo men ɓurnaaɗo winndere, en njettii, en mantii, kono en njaafniima halifaaɓe men aada, haa teeŋti e halifaaɓe men diine, nde ɓe newnani en, ɓe ɗowi, ɓe ɗofti, ɓe nduusi haa mbaaw-ɗen tawtoreede ngol koolol almaddaagal juɓɓinaangal ɗoo e Suwoyraat, laamorgo diiwaan Tiris Semmuur leydi Muritani, 

Persidaa ɓurɗo waasde

Oɗon nganndi kam, oon persidaa wonaa e Afrik woni. Afrik ɗo hooreeɓe leyɗe konata ngaluuji leyɗe mum en, ɗalda ɓiɗɓe leydi e heege. E nder yoga e leyɗe winndere ndee boom, ngalu hooreeɓe leyɗe ina ɓurti no feewi, haa ko ɗum na addani ɓe taƴondirde e nguundam ɓesnguuji maɓɓe…
Ɗuum dey toɗɗaaki leydi mbiyeteendi Uruguway (Uruguay). Hooreejo ndiin leydi, woni hooreejo bajjo e winndere ndee, koɗɗo e galle dappuɗo, tee dokkitoowo ko ɓuri heewde e njoɓdi mum pelle ballitooje roofolɓe.