Ko ɗi noogaas e tati (23)
- Sarɗi 1 : ceerno mo ina rokka wirdu yo a taw ko cakkitaaɗo rokkude ko laaɓi jilɓaani.
- Sarɗi 2 : nanngoowo oo aldaa e laabi ɗii fof, so wonaa nanngunooɗo ɗala nangtoo e Tijjaani.
- Sarɗi tati : waasde juuraade waliyaaɓe ɓe ngalaa e maggol wuurɓe e maayɓe so wonaa almudɓe Tijjaani (walla annabeeɓe e sahabaaɓe).
- Sarɗi nay : duumaade e reende waktuuji joyi ɗii, wuura e sariya, juula e dente so ngantu woodaani.
- Sarɗi joy : duumaade e yiɗde ceerno men haa maaya ene ɓeyda ustaani.
- Sarɗi jeegom : sabu yaajeende moƴƴi maggol hoto wooto hodo Alla fodoore haaytaani.
- Sarɗi jeeɗiɗi : hoto jol e ɓernde maa tikkugol e jennugol to banngal Ceerno moƴƴaani.
- Sarɗi jeetati : duumaade e wirdu a woppataa haa maayaa aɗa wirda laawol Seyku Tijjaani.
- Sarɗi jeenay : fiɓde moƴƴere haalaande heen goongɗina.
- Sarɗi sappo : waasde wiɗtude no heɓiri moƴƴaani.
- Sarɗi sappo e go’o : almuudo so ina wirda yo a taw ko cakkitaaɗo e sakkitoore cakkitaaɗo ko laaɓi jilɓaani.
- Sarɗi sappo e ɗiɗi : tawtoreede wajiifa e « asrul jumaati »
- Sarɗi sappo e tati : a wirdataa jawharatul kamaali so wonaa e laaɓal ndiyam timmungal. So a taamiima e ngantu lomtintaa ko jaɓe noogaas salaatul faatihi
- Sarɗi sappo e nay : woto sabobin taƴondirde hakkunde maa e tagoore, teeŋti e musiɗɓe maa tijjaaniyankooɓe
- Sarɗi sappo e joy : waasde yeebaade wirdu nduu, ɗala waktuuji mum, so wanaa taw ko ngantu
- Sarɗi sappo e jeegom : Waasde yiɗde rokkirde tawa yamiraaka
- Sarɗi sappo e jeeɗiɗi : hormaade kala juulɗo haa teeŋti noon e musiɗɓe maa heeriiɓe laawol Tijjaani
- Sarɗi sappo e jeetati : laaɓde ɓalndu e comci so aɗa hattani
- Sarɗi sappo e jeenay : Ɗo mbirdataa tawa ina laaɓi tunwaani
- Sarɗi noogaas : Joɗnde fuɗnaange kuccittaa, so wonaa jahoowo maa gonɗo e dente seeraani
- Sarɗi noogaas e go’o : So aɗa wirda a deƴƴat, ndeeƴaa haa timminaa wirdu maa ; peeñka e cuuɗiika ɗaccaa joopaade moƴƴaani.
- Sarɗi noogaas e ɗiɗi : tawnude mbaadi Sayku Tijjaani wattan o mona yeeso maa aɗa ɓeydoroo wirdu maa ɓure Sayku Tijjaani.
- Sarɗi noogaas e tati : tawnude maanaaji konnguɗi ɗii so aɗa hattani. So a hattanaani nannu noppi maa daande dow.
Aamadu Ndonngo
