To bannge renndo e faggudu laamu nguu ɓeydii njoɓɗeele kono coodguuli geɗe nguura cowiima laabi ɗiɗi ɗo njahratnoo, ronkere golle kadi yettiima tolno mo meeɗaa yettaade e leydi hee.
Hitaande yawtunde ndee ina maantiniri kadi geddooji safrooɓe e janngiпooɓe ɗaɓɓооɓе moƴƴingol nokkuuji mum en golle. To bannge renndo e politik noon, ina jeyaa e kewuuji ɓurɗi maantinde e hitaande ɓennunde ndee.
Saawiyee 2012 : lewru sippirooji.
Ɗiin sippirooji peeñi ko e sahaa ɓeydagol coodguuli geɗe nguura, gadanngol laamu sosde bitikaaji « solidarité 2012 ». Geddo sanɗaaji ISERI udditi hare ngam salaade uddugol duɗal mum en е cosgol duɗal kesal to Ayyuun ; rewi heen ko duɗal jaaɓi-haɗtirde Nuwaasoot ɗo sanɗaaji ɗaɓɓatnoo ɓeydugol bursiiji um en. Oon sahaa gooto pelle daraniiɗe jojjanɗe aadee nannduɗe e IRA e « Hoto mem ɓiyleydaagu am » e senndikaaji jannginooɓe e gollotooɓe woɗɓe e Dillere Sukaаɓе 25 Feebariyee ina ndiinni e mbeddaaji.
Feebariyee 2012 : Puɗɗagol wolde rewo Mali e naatgol mooliiɓe e nder Muritani. Fuɗɗorii ko tuddunde Fasaala, ɗo mooliiɓe ngonnoo 6 000 njahi haa 22 000 neɗɗo ñalnde 28 feebariyee. Hannde, aɓe millee e 110 000 neɗɗo. Ko e nduu lewru kadi fedde luulndo yeewtidnoonde e laamu nguu jaɓi tonngol kaaldigal ngal. CENI (Goomu toppitiingu ɗowde woote) sosaa, tawi woni e mum tan ko haaldunooɓe ɓее.
Marse 2012 : Dartingol gartirgol taccinaaɓe. Laamu Muritani habri dartingol gartirgol taccinaaɓe to Senegaal.
Abriil 2012 : Biraam e defte Maalik. Ko e nduu lewru Biraam wul Daa wul Abeydi duppunoo defte laawol Maalik sabu yooɓtoraade ɗum en dagnude njiyaagu. Biraam e wondiiɓe mum njeenayo cokaa.
Mee 2012 : Diinno (diiño) luulndo. Ñalnde 21 mee COD felliti wiyde ina waɗa diiño waktuuji 24 ɗo boowal Ibnu Abbaas ɗoo. Kono, polis e pompiyeeji njani e maɓɓe hakkunde jamma.
Suwee 2012 : Mesawuud yettini partiji ɗii miijo mum fotngo wallitde leydi ndii yaltude e luural politik. Muhammed Lemiin wul Daadde ñawaa kawoo duuɓi tati.
Sulyee 2102 : Laana ndiwoowa konu Muritani yani nder kanndaa Nuwaasoot. Yimɓe njeeɗiɗo maayi heen. Laana kaa dusatnoo ko kaŋŋe hakkunde Tasiast e Nuwaasoot.
Ut 2012 : Geddo Ubriyeeji MСМ. Garɗeeɓe Muritani njani e ubriyeeji ɗii, piyi ɗum en haa mbari heen gooto, ngañi njeeɗiɗo. Ko e nduu lewru kadi cafroowo gooto hirsunoo sukaaɓe mum nayo e nder leegal Arafaat.
Settaambar 2012 : Laamu Muritani waɗti Senusi e juuɗe laamu Libi. O jagganoo ɗoo ko ñalnde 16 marse 2012. Naawirde winndere e leydi Farayse kala daɓbiino heɓde mo.
Ñalnde 22 lewru nduu, 16 duwaat en pellaa Mali, heen njeenayo ko Muritaninaaɓе.
Oktoobar 2012 : Ko ñalnde 13 oktoobar kural gaañnoo persidaa Abdel Asiis. O nawaa Pari, caggal kumpa juutɗo e nananti keewɗi, o feeñi e tele omo wondi e persidaa Farayse.
Noowammbar 2012 : Gartal Asiis : Abdel Asiis arti e Nuwaasoot ñalnde 24 noowammbar ngam tawtoreede mawningol jeytaare leydi ndii. O noddi jaayɗe to galle laamorɗo too ngam yeewtidde e mum en.O habri ɓeydugol njoɓɗeele fotde 30%.
Desammbar 2012 : Joɗnde Diisnondiral AJD/MR e Mooɓondiral Tawaasul. Jemiil Mansuur toɗɗitaa hooreejo. Hitaande ndee joofiri ko mooɓondiral UFP e toɗɗitagol wul Mawluud e gardagol parti oo.