Ko teskuya : wonde ɓaleeɓe Amerik wonɓe e kasoo, ɓuri wonɓe boowal ɓee, famɗude ko keɓata won ɗiin ñawbuuli barooji. Wonande raneeɓe ɓее, huunde ndee ko ko weñcitii, sibu raneeɓe wonɓe e kasoo ɓee, ɓuri yaawde rafeede e wonɓe boowal ɓee. Wiɗto ngoo waɗaa ko e 100 000 neɗɗo, worɓe yahrooɓe hakkunde duuɓi 20 e 79, sokaaɓe to Kaliforni hakkunde 1995 e 2005. Ngo bayyinaa ko ñalnde 8 sulyee 2011. Hung En Sung, jannginoowo to duɗal jaaɓi haaɗtirde John Jay to New York wiyi “ waɗi ɗuum, ko e kasoo tan yoga e ɓaleeɓe ɓee mbaawi heɓde safaara ”. Ɗum firti ko so ɓe njaltii kasoo ɓe ndañataa hay safraade, ko e kasoo tan ɓe “ poti e raneеɓе ɓeе ɓallaade maayde ”. Ɗum ɗoon ina hollita caɗeele safaara to Amerik, sibu so a alaa kaalis a waawaa toon safraade.
Yoogirde Reuters
