Alkamiisa ñalnde 14 Suwee 2012 Ciimtol Jokkondiral Catal Kayhayɗi e Jalluɗi Jam e gardagol Alasan Saar. Batu ngu waɗi ko galle hooreejo catal jontu noogaas e hojomaaji noogaas e joyi kikiiide. Ina tawtoraa batu ngu ɓee ɗoo yimɓe. 1.Sammba Gata Bah : Hooreejo catal. 2.Mammadu Aadama Bah Tergal catal. 3.Abdullaay Aadama Bah Tergal catal. 4.Usmaan Ñaan Tergal catal, jannginoowo. 5.Aamadu Lih Cukko hooreejo, jannginoowo. 6.Aamadu Tijani jeew Tergal catal jannginoowо. 7.Alasan Saar Hooreejo jallu ɗi Jam. 8.Saydu Siise Jaw Tergal catal. 9.Alhuseyni Sammba Soh Tergal catal. 10. Muhammadu Baaba Sih 11.Abuu Siidi Wele 12. Dulo Mbow Kalfinaa ɗo ngalu catal.
Tergal catal Tergal catal. Tergal catal. Caggal bismaango teddungo, hooreejo catal rokki Alasan Saar konngol. Alasan Saar, e nder ko haali : O holli tan ko Jalluɗi Jam ɓuri dartoraade ko mago ngam sifaade pinal men hanki haa mbaawen ɗum artirde e pinal men hannde ngam ndañen yiytude heen koye men haa mbaawen haɓaade wostaare, e majjere men e nder leƴƴi goɗɗi. So en ndañii hubindaaɗe ɗee geɗe, maa en ndan famtude pinal men e dumunna mo ngon-ɗen. Pinal men ƴellitoo, yahra yeeso. Hooreejo heɓɓitii wiyi : Ina moƴƴi nangto-ɗen e won e aadaaji, goowaadi e donaadi men moƴƴi ngam njiyten heen koye men. Bibɓe fulɓe darnde yontii, dadaaɗe heedii. Calo-ɗen joɗnde, Ko fuunti ɓennii Boggol e daande ko kalifaandi fenii Ndiiwen leliiɓe ko ustiiɓe njahii Ndennden deedi, jawdi e ngalu Ko haani feewii. E tonngol, hawraama wonde yo catal noddu batu yiilirde ngam ebɓa, daɗda hol ñalngu batu joodotoo ngam noddude Jalluɗi Jam, wadana ɗum hiirde hirjino, wonana catal ngal jeeyngal mawngal ngam sippirde e lohre nde woni e oo ɗoo sahaa. Ko ɗoo batu nguu gasiri.
Hooreejo Catal Kayhayɗi Sammba Gata Bah
