En njettii Geno, en njuulii e ɓurɗo winndere. Njettoor men teeŋtuɗo feewde e yuɓɓinooɓe ndeeɗoo jaaynde Fooyre Ɓamtaare. En toriima jogorɓe taroyde ndeeɗoo winndannde nde njajnata lowre nde haa mo woni fof waawa rokkude heen miijo mum, wooda ɗo kawru ɗen e keewal. E oon tuma paamen hol no pot ɗen siforaade e ndiiɗoon mbaydi. Ɓe mballaani…!
Hol ɓeen ɓe mballaani ?
Ko ɓeen ɓe nganndu ɗaa wiyeteeɓe ko jannguɓe haa keɓi seedanteeje toowɗe e ɗemɗe koɗe , ɓeen joom en gollorɗe toowɗe e laamu, ɓeen ɓe lenyol foti faarnoraade, ngam yeeynanoo ɗumen laabi ɓamtaare. Kono, mbele ko janngude woni finde ? Jaabowol men ko alaa. Neɗɗo ina jannga tawa finaani, ina fina tawa janngaani. Kono fof dey janngude finde ɓuri ŋarɗude. Mbele ɓee jannguɓe ngonaa jannguɓe jannginooɓe ? Ɓee saliiɓe, walla korii yiiyde nafoore ɗemɗe mumen ngenndiije !
Ɓee salotooɓe woowlude ɗemɗe mumen, hersirooɓe haalde ɗemɗe mumen to mbaawi wonde kala, haa e nder galleeji, wonaa kamɓe, wonaa ɓesnguuji maɓɓe. Ina waɗi e maɓɓe seɓorɓe, so ngartii e golleeji ina taatoo e ɗemɗe mumen, ɓiɓɓe mumen ina njalnoroo ngel (pulaar nyawɗo). E nder batuuji hay so tawii goɗɗo jillaani ɓe, ɓe layataa ɗemngal maɓɓe. Ndaw ko hersinii, yurminii ! Mbele ɓee maa njaɓ jannginde ɓesnguuji mumen ɗeen ɗemɗe, ɗoon ɗo ɓe ngooŋɗinaani ɗe.
To Suudu Sarɗiiji, woorti saftoore, heddiiɓe ɓee caaynitoo miijooji mumen ko haalde ɗemngal koɗal (Farayse). Mbele won kuulal calingal ɗemɗe ɗee kalee e nder suudu sarɗiiji ? Ine njeyaa e ngoƴaaji jaŋde ɗemɗe ngenndiije leydi ndi ɓeen fotnooɓe hannde waɗtorde ɗum e ngoƴaaji kuuɓtidinɗi, mbele ma a yaaw ummoraade oon bannge ! Mbaylen jaɓɓal ! Nde ɓiɓɓe leydi nootondirta, ko ma gooto fof (leƴƴi ɗii fof) waawa heɓtinde hoore mum, to jaŋde, e to pinal, jaaynirɗe On nyaagaama yaafuya tuma nde nƴiy ɗon heen ko welaani on. Fof de e wayde noon, won e maɓɓe seeɗa dariiɓe. E tonngol eɗen nyaagoo Allah kisal e yaajeende e nder Ngenndi men, haa e nder winndere nde. Pulaar ne wiya « ballal noon, yo a taw heen junngo joom mum » . E
Kuɗol Abdul Kadeer Aan, to Beelinaaɓe (Tel : 670 84 32)
