Hoore, ko Carlos Slim Helú, Meksiknaajo. Golle makko ko ko fayti e telefonaaji portaabe (cinnde) e nder Amerik worgo. Ngalu makko : 53, 5 miliyaar dolaar (15 246 miliyaar ugiyya).
Ɗiɗmo ko BilL Gates, Ameriknaajo. Golle makko ko ko fayti e enformatik. Kanko sosnoo Microsoft, o ƴelliti ɗum. Ko ɓuri heewde e ordinateeruuji winndere nde kuutortoo ko topirde makko. So wonaano ngaluuji ɗi o hokkata pelle faabu aadeyeeje, kanko ɓuratnoo fof ngalu, laawol 15ɓol tuggi 1995. Ngalu makko hannde : 53 miliyaar dolaar (15 105 miliyaar ugiyya).
Tataɓo ko biyeteeɗo Warren Buffett, Amariknaajo. Golle makko ko ko fayti e njarameeje (Cola Cola e yeru) e njeeygu cariiɗe. Ngalu makko : 47 miliyaar dolaar (13 395 miliyaar ugiyya).
Nayaɓo heewde ngalu ko biyeteeɗo Mukesh Ambani. Ko o Enndonaajo, sukaajo jahroowo e duuɓi 52. E nder sappo ɓurɓe alɗude e winndere nde, kanko ɓuri wonde suka. Golle makko ngabbitii ko e ko anndiraa petrosimi (Pétrochimie) woni Simi e gaas e petronŋ. Ngalu makko : 29 miliyaar dolaar (6 265 miliyaar ugiyya).
Joyaɓo ko Lakshmi Mittal, hooreejo sosiyatee hakkunde Inndo e Orop biyeteeɗo Arcelor Mittal. E cuddungo ɓiyiiko debbo, o deppisiima fotde 55 miliyoŋ Oroo (21 miliyaar ugiyya). Ngalu makko : 26,7 miliyar dolaar (6 160 miliyaar ugiyya).
Jegoɓo ko biyeteeɗo Lawrence Ellison. Kanko jeyi sosiyatee biyeteeɗo Oracle, golloowo e enformatik. Ngalu makko 26 miliyaar dolaar (7 960 miliyaar ugiyya).
Rewi heen ko Bernard Arnault, tuubaako Lawrence Ellison Farayse golloowo e kaɓirɗe cuɗaaje e geɗe jooɗɗe. Kanko woni hannde ɓurɗo alɗude e Orop no diidorinoo. Eike Batista Karl Albrecht : ngalu makko hannde ko 27,5 miliyaar dolaar (7 636 miliyaar ugiyya).
Jeetaɓo ko Eike Batista, Beresilnaajo, mo ngalu mum ummorii e oogirɗe (kaŋŋe e petron). Ngalu makko hannde : 27 miliyaar dolaar (7 695 miliyaar ugiyya). Bernard Amault Amancio Ortega Jeenaɓo ko Amancio Ortega, Españoolnaajo toppitiiɗo ko fayti e jolo (mode). Ngalu makko : 25 milyaar dolaar (7 125 miliyaar ugiyya). Sappaɓo ko Karl Albrecht, Almaañnaajo. Omo jogii fotde 23,5 miliyaar dolaar (6 696 miliyaar ugiyya).
Bookara Aamadu Bah
Ƴoogirde : Forbes
