O sankii ko ñalnde 18 suwee 2009, omo yahra e duuɓi 113. О wiyetee ko Henry Allingham. O haɓaama e wolde adunankoore adannde. Kanko sosi Royal Air Force, woni konu weeyo Angalteer. Hade makko maayde tawi o nattii waawde daraade e koyɗe makko, ko e sariyoo o reegata. O woppi ekkol ko omo yahra e duuɓi 15, ngam gollaade e isin peewnoowo otooji. O angisii omo yahra e duubí 19 e hitaande 1915, caggal sankaare yumma makko. Nde wolde nde joofi o ruttii gollaade e isin peewnoowo otooji biyeteeɗo Ford.
Caggal nde o heɓi duuɓi 80, o ruttii e findinde sukaaɓe yahrooɓe duuɓi 14 haa 18 ngam haalande ɗum en lorla keɓtinooɗo sukaaɓe yahratnooɓe e duuɓi maɓɓe e nder golgole ɓennuɗe : “ yimɓe fof ina poti anndude wonde sukaaɓe yahratnooɓe duuɓi 14-18 maayanii en, eɗen poti duwaade hoto ɗum waɗtu ”. Angele en ɗiɗo tawanooɓe wolde adunankoore adannde ina nguuri e oo ɗoo sahaa : heen gooto ko Harry Patch (duuɓi 111), oya ko Claude Choules ova (108 hitaande). Hecci winndere ndee fof noon ko debbo Ameriknaajo ina wiyee Gertrude Baines (duuɓі 115).
