Wonande Nuwaasootnaaɓe, hay gooto yeddataa ɗum, sibu ina wayi no ɓe njiyaani dabbunde nii. Kono Oropnaaɓe njaawataa jaɓde ɗum hakke no dabbunde maɓɓe wayi jaangde hikka nii. Ɗum dey ittataa wonde hitaande ɓennunde nde ɓuri kitaale jawtuɗe ɗee kala wulde. Habri ɗum ɗoo ko Fedde Adunankoore toppitiinde ko fayti e ngonka weeyo (Organisation météorologique mondiale). Ɓe kollitii wonde duuɓi 10 jawtudi ɗi (2000-2009) ɓuri sappo gadiidi ɗi (1990 – 1999) wulde, ɗiin kadi ɓuri sappo gadiiɗi ɗum en aii (1980-1989) en wulde. Baylagol nguleeki ngol ko hakkunde +0,34° e +0,56°C. Toɓo noon ina hakindii e hitaande hikka nde hay so tawii ngo ɓurtii ko aadoranoo e nokkuuji bayɗi no himaange Afrik, ɗo ɗi mbonni ko heewi. Kono, keneeli e gubiliiji keewii hikka. Yooro kadi teskaama to Siin, to Inndo, e to Afrik fuɗnaange.
Bookara Aamadu Bah
