Fooyre Ɓamtaare (FƁ) fodaniino on artude e njillu Yiilirde Ngenndiire fedde nde waɗnoo to wuro Baabaaɓe, ñalnde ɗiɗi lewru suliyee 2006.
Yiilirde ngenndiire Fedde Ɓamtaare Pulaar e Muritani yilliima to Baabaaɓe Looti. Sete yiilirde ngenndi FBPM ko nih siforii : Aamadu Umar Jah , Hooreejo Fedde; Abdullaay Haaruuna Sih , Koolaaɗo Kuuɓal; Abdullaay Sal , kalfinaaɗo jaŋde; Bookar Aamadu Bah, kalfinaaɗo Kumpital; Mammadu Maamuudu Baal cukko kalfinaaɗo kumpital; Ifra Elhajji Boli, Kalfinaaɗo jokkondiral; Maalik Saar, kalfinaaɗo Faggudu; Mammadu Bookar Lih Koroowo Ngalu. Jaayndiyankooɓe ɗiɗo ina ngardi e sete o. Ɓeen ngoni : Sammba Haaruuna Bah mo rajo Muritani e Abuu Caam mo rajo Pete.
Konnguɗi hooreejo Fedde e hooreejo teddungal
Aamadu Umaar Jah : « Ceerno Abuu Usmaan, min ngari ɗo ko e innde FƁPM. Aɗa anndi jooni ma won duuɓi sappo e ɗiɗi ko fedde nde to[[i ma Hooreejo Teddungal FƁPM. Hikka waɗi duuɓi capande tati (30) ko FƁPM jibinaa, heɓtinaa to laamu.Ɗum mawninaama no feewi e nder leydi ndi, haa arti e Nuwaasoot, e Nuwaadibu. Alaa fof golle [e mbaɗaaka heen. Min nuliino gaay Mammadu Bookar Lih yo humpit on ɗum. O yettinii nulal ngal.
Ɓooyii ko min njiɗi arde gaay, ngam hoofnaade ma, sabu golle maaɗa maantin[e, gila aɗa woni Keer (Misra) haa nde ngartu-ɗaa e Muritani. Ko ɗuum woni sabaabu njillu amen ɗo hannde. Ari ɗo, no Mammadu Bookar wiyru ma nii ko huunde e ter[e Yiilirde Ngenndiire FƁPM : hono miin Hooreejo fedde nde, e Abdullaay Haaruuna Sih (Koolaɗo Kuuɓal), e Abdullaay Sal (Kalfinaaɗo Jaŋde), e Bookara Aamadu Bah (Kalfinaaɗo Kumpital), e Mammadu Maamuudu Baal (Cukko Kalfinaaɗo Kumpital), e Ifraa Alhajji Booli (Kalfinaaɗo Jokkondiral), e Maalik Saar (Kalfinaaɗo Eɓɓooji Faggudu), e Mammadu Bookara Lih (Koroowo Ngalu); emin ngardi e jaayndeyankooɓe hono Sammba Haaruuna Bah e Abuu Soh (Rajo Muuritani), e Abuu Caam (Rajo Pete).
Terɗe Yiilirde Ngenndiire fof njiɗiino arde, kono ɓe ndañaani, nde wonno waktu o ina faa[i. Kono noon, sikke alaa, alaa fof mo yiɗaano arde juuraade ma, e yettude ma e darnde maa e ɓamtugol ɗemngal pulaar. »
Abuu Usmaan Bah : « Seydi Jah Pullo, anndi alhaaliiji [i ko enen ndenndi ɗum, wuurde e maayde. Ko wa[etee heen ko en mba[- diino.Ɗum noon, so on ndokkii kam teddungal baangal hono nii, ɓeydata tan ko cuusal, ɓeydata kadi ko teddungal e weltaare. Miin ne, mi faam[inaani ɗum, kono tan nde wonnoo ko mi cuuriiɗo, kadi mi wonaa kattan- ɗo, yanti heen ɗo njiy-ɗaa miɗo, ko ɗo tan ngon-mi, mi yaltataa. Ɗum waɗi, ɗum ina raɓɓiɗina no neɗɗo jaawlortoo. Kattan[e maa curoto, a yiyataa yimɓe, nanataa ko see[a. Ɗum ene jeyaa e geɗe am. Woni ko mbiyat-mi on tan ko yo on njokku tiiɗ- naare. Lohde e waasde lohde ko geɗe jolooje. Joolooje ina Yeeŋa. Kadi, ko men ko heewataa, ina tiiɗi heewde, nde wonnoo alaa ko yahdata. Ko maa yahoya haa yawta, haa doonoo, nde ara. Ina waawi kawren heen, ina waawi mbaasen (hawrude heen). Eey! Ko ɗum waɗi maa tiiɗno-ɗon, noflo-ɗon lohre. Eey! Sabu ene heɓtoo neɗɗo fof. Te, no waawi wayde fof, yo won ɗoon ko nganndu-ɗaa, no mbiyeten nii, ko « jeyngol jinneeji », hayso huɓɓataa ne ñifataa. Eey! Ma wood nde wo[ɓe ngari, kuɓɓa, wo[ɓe ngara njaɓɓa. Ɗum noon, miin ne, mi yiɗaa hebbinde haala sabu waktu o yaajaani. Mi ruttat tan e banndiraaɓe men fof no njiɗir-ɗon. Mi ruttat on konngol, so won ji[ɗo naamnaade mi huunde, walla so won ko heddii ko potnoo-mi haalde mi haalaani, mboɗo waawi jokkude. »
Aamadu Umaar Jah : « Ina wayi no, Ceerno Abuu, min njaafoto ma ɗo tan, sabu ene waɗi tampere. Hannde ene wuli , en ngoppaat tan, njaafondiren, mbaynondiren, min mbaawa ruttaade to galle Mammadu Bookaar Lih, min njokka toon golle. »
Abuu Usmaan Bah : « Eey! Ɗum noon on njaraama. Yo Alla teddin on ko wonaa ɓuutdi. Yo Alla juutnu bal[e, moƴƴina battane. Yo Alla ñiiɓnu en e ganndal, e pinal, e dewal Alla. Allaahumma salli alaaseydinaa Muhamdin wa sallam. Mbeɗe ardina hoore am. Mbeɗe hollita hoore am, e yi[de waɗde heen junngo am. Ɓuratnoo-mi yi[de ko hollitde ɗo kaa[-mi, ko tawa mi anndii ko galle jarata ɗo, tawa wonaa galle keɓtetee- ɗo. Mi haala ko mbaaw-mi. Ɗum ko miijo am wonnoo. Mbeɗe anndi miijo ngo yettiima on. Ɗum noon, en mbaawataa haalde ko haalanooka. Kono kam, nganndon miijo ngo, ko goonnga, ko miijo am. Kono noon ko nii njiɗir-mi. Mbeɗe yiɗi (yiɗani) Fedde nde galle haa ɓurti, ndah doole noon won ko ndokkataa. Kono noon so tawii yimɓe gattooɓe keɓaama, miin ko heen njeyaa-mi. Sinno jooni galle yiyaama tan, mi tinii dey galle yiyaama, jaraata ko nanngam, gattooɓe keɓaama, ko famɗi fof ko njoyo (5), njeegomo (6) fayi yeeso, haa sappo (10), ndeen mbeɗe waawi haalde ko mbaaw-mi waɗde. Kono noon mi yiɗaa haalde ko mbaaw-mi waɗde, tawa ɗum heɓaaka. Kadi, nde wonnoo njiɗ-mi ngol, ko so Alla wallii, tawa so ɗum heɓaama tan ko galle, coktirɗe mum tottee Ɓamtaare Pulaar. Ko yi[de noon. Ko Alla ɓenninta. Yo Alla yettin. On njaaraama. »
Mammadu Bookar Lih
