Ñande 15/07/06, ñalawma gadano o, woni jaɓɓagol hobbe teddube ummiiɓe to wo[[i e to ɓadii. Ho[ɓe ɓe njaɓɓii hoɓɓe tedduɓe. Ñande 16/07/06, ñalawma [i[aɓo o, woni ñalawma Siyaara moYYo, malaaɗo oo. Ndeen hiirii, waɗaa hiirde mawluudu, ngam mawninde Nulaaɗo Muhammadu mo jam e kise ngoni emum. Ko yurmeende Alla, nde yimɓe e muumanteeji Alla tuuyanoo, uddi mawluudu oo, honongatamaare mawnde waali yuppude baade yuurmeende, gila waktuuji 4 haa weeti, siiltoyi ko hedde waktuuji 9 subaka. Ko ndeen woni keblagol yahde tulde saalaŋeeje Ɓoggee : ko toon Aamadu Muntaga Taal lelii, omo sawndondiri e Ceerno Umar Aamadu Taal. Yo yurmeende Alla won e maɓɓe, kamɓe e maayɓe juulɓe fof. Aamiin.
Caggal nde yimɓe ɓe kawri toon, woni dental mawn gal, joo[ngal, ngal keeweendi mum tonngotaako. Jeece laaɓɗe tiiɗe, nuunɗuɗe, ɓerɗe beltiiɗe, ɓalli coftu[i. Hakkillaaji nduttii e Alla gooto e Nulaaɗo Cuɓaaɗo Muhammadu mo jam e kise ngoni e mum. Nde yehi haa waktuuji 12 e hojomaaji 35, Ceerno Madaana Taal yettii saalaŋeeje, omo ardii Sete (ina heen ummiiɓe Ndakaaru) e dow yamiroore Ceerno Muntaga Aamadou Kaliifa lomtiiɗo Sayko Umaar e kuuɓal. Annduɓe, moƴƴuɓe, hoohooɓe diine laaɓtuɓe e Fuuta, e hoohoobe mum aada njaɓɓondiri e Ceerno Madaani. ɓe mbismondiri. Ceerno Saada Baaba Lam, mo Alla halfini hannde diiwaan halayɓe, to bannge diine, duubi, e mawngu, yamiri yo golle Siyaara o pu[ɗe. Dental ngal timminii silkaaji 7 ɓuraana (2uraana) e duwaawuuji keeriiɗi, ceertuɗi…
Caggal ɗuum, ko jeewte hoohooɓe diine lislaam : fof jowitii ko e kulol Alla, e wootti[inde mo, e ngootampaagu juulɓe fof, sabu diine men jaɓaani kinɗe kinɗe, e pecce pecce. Sabu ko Alla gooto tan ndewaten, ko e Suudu makko wooturu kuccitten, ko e mayru kujjaten, e mbaadi potondiral alaa ɓurɗo, alaa ɓurnaaɗo. Hoohooɓe jonnde nde mbasiyii yo ɓesngu nguu rew e pele mawɓe men moƴƴuɓe, moƴƴinɓe, kuli Alla, ndeeni en[am mum en, haa ɗum jibini sutura nguurndam men hannde. Ñalawma o woni ñalawma deeƴre, e weltaare, e diine, e njurum en[am e ɓeydaare, e kala banngeeji e nguurndam leñol men. Ina jeyaa e cudaari timmoode Siyaara oo ɓaargol ɓuraana, ko juulɓe fof njiɗi, ŋooɗaa : woni baawal ɓuraana, e anndude ñaawooje mum ca[ɗe, ceertuɗe, e seedampaagal Ceerno ɓaarnuɗo Almuudo oo. Ko oon woni Ceerno Abdul Mammadu Bah to Tulde : ko o ceerno ganndo, moYYo, duuɗiiɗo aduna, loowɗo Annoore ɓuraana e ɓerɗe juulɓe. ɓiɗɗo moƴƴo ɓaarɗo ɓuraana oo ko Madaana Abdurrahiimu Jah, jibinaaɗo 1983. Madaana Abduraahiimu Jah hebii njeenaari teddungal : Almuudo ɓurɗo suɓeede e Duɗal biyateengal Imaaraat to Ɓoggee.
Hade deftagol ko caatagol. Ceerno Abdul Mammadu Bah waɗti yamiroore e junngo Ceerno Madaana Taal. O yamiri Ceerno Mammadu Jibi Kelli yo saat alluwal ngal. Almuudo o reftii refto sellungo, e sawtu belɗo, jurminiiɗo haa ɗum hecci[ini ɓerɗe ; juulɓe fof nduttii e Alla Toowɗo Ceniiɗo o. O yamiri yo Ceerno Aamadu Yaal duwo timmoode alluwal ngal. Caggal ɗuum, ɓe nduwanii juulɓe fof e Leyɗeele kala yo Alla rokku en ndunngu ngaabngu, mbarkinngu, malaangu.
UMAR SAYDU LIH, Jannginoowo Ɓuraana
