Hol kamɓe ? Seedtii ɗo njillu Yiilirde Ngenndi to Baabaaɓe ko jaayndeyankooɓe Rajo Muritani, e Rajo Pete (Senegaal), hono yahdunooɓe e yiilirde nde juuroyaade hooreejo teddungal 2ɓo ñande 2/7/2006.
Sammba Haaruuna Bah (Rajo Muritani ) : « Abuu Caam, ko a jaayndeyanke Rajo Pete. No njiyru ɗaa ngolɗoo lappol, e no njiyru ɗaa kadi ɗiiɗo miijooji ? »
Abuu Caam (Rajo Pete) : « Ko njiy-ɗen hannde ko , so goonga, ko ɗum yettere Alla. En njiyii ɗo golle baɗde faayiida. En njiyii ɗo neɗɗo (Abuu Usmaan Bah), ko o neɗɗo timmu- ɗo, neɗɗo mo nganndu ɗaa, ooɗo foti wonde ko daarorgal leñol ngol. Sabu gila e haala makko e golle makko, haa e no njiyru ɗen, e ko taw ɗen satii mo, ngalɗoo jaalal, ñaagoto ɗen Alla ko yo ngal ɓooy daraade, calɗi ɗi ɓooya fawaade e dow muuɗum. Sabu ooɗoo noɗɗo, ko neɗɗo mo nganndu mi hannde, e ooɗoo sahaa, ko Alla hokki mo ko, ko hakilantaagal, e ko o golli ko, ko huunde nde nganndu ɗaa ko leñol ngol fof foti naftoraade ɗum. Ko leñol ngol foti nanngude mo, toownamo, semmbina mo, ñaaganoo mo Alla cellal, nde Alla hokkata mo cellal teddungal, o waawa yettinde faandaare makko. Nde tawnoo omo jogii miijooji guurɗi, omo jogii hakkille timmuɗo, omo yarlitanii leñol ngol gila e jawdi makko, haa e ganndal makko, e doole makko.
Eɗen mbiya tan e kuuɓal, yo Alla rokku mo cellal haa o waawa timminde faandaare makko nde. Ooɗo neɗɗo, yimɓe fof ene poti ɗum jaggude e huutoraade.Yo Alla hokku en waawde mo naftoraade, kanko ne o waawa naftoraade ko o jogii ko.
Sammba Haaruuna Bah : Aamiin! Abuu Caam, haa hannde aɗa anndi FƁPM, kam ne, won taaɓal ngal taaɓii. Ummaade gila Nuwaasoot haa ɗo, ngam siftorde ɗeeɗoo terɗe. Aɗa anndi, ene heewi no neɗɗo wayi fof wooda no waɗaa. Kono enen, mbeɗe sikki tan, aan ne, wooñiyannde nde njiy ɗaa e FƁPM. e darnde nde waɗi e ɗeeɗoo golle. Abuu Caam : Eey ! Fedde Bamtaare Pulaar ko fotɓe yetteede, sabu ko ɓe mbaɗi ko wonaa neɗɗo fof waawi ɗum waɗde. Liggondirde ( gollondirde ) e neɗɗo haa Alla itta ɗum e oon fannu, waɗta ɗum e fannuuji goɗɗi, mbaawaa yahde, ngabbo ɗaa e mum, wonaa huunde weeɓnde ! Ina heewi e leñol ngol, so neɗɗo wonii huunde, Alla waylii ɗum, waɗtii ɗum huunde woɗnde, keew ɗen ko yejjitde mo, ngabbo ɗen e jamaanu gonaaɗo oo. Kono noon, en njettii FƁPM, e gardagol Aamadu Umaar Jah, ngenndiyaanke gila hanki, tawi hannde araani. Enen e koye men, eɗen ceedtii ko o golli, eɗen ceedtii ɓe o gollodii teeŋti e ooɗoo sete mo o aardi haa e Baabaaɓe. Ɗumɗoo ko huunde waɗnde faayiida ! Ɗum noon, mbeɗe sikki leñol ngol so yiyii ɗumɗoo, kala baawɗo gollaade ɗeeɗoo golle, walla gollanaade leñolngol, eɗen poti jaggoraade ɗum. Ɗum nooño Alla sellin doole, semmbina. » S a m m b a Haaruuna Bah : TB (Moƴƴii sanne !) Abuu Caam, golle maa njooɗii, peewii. A jaraama. Ɗum noon tan en ceertaani tawo. Mbeɗe naamnoo ooɗoo miñiraaɗo, caggal kanko ne ko o jaayndeyanke, wooda miijo, walla hay so daande wootere, o hokka en.Abuu Soh, a yiyii ooɗoo sete. A yiyii ooɗoo mawɗo (Abuu Usmaan Bah) ko o haali. ɓoon daande mbaaw ɗaa en hokkude heen seedantaagal seeɗa ?
Abuu Soh : Musiɗɗo Sammba Haaruuna Bah, Alla jaaraama, a jaaraama. En keɗtiima haa jooni mawɗo tedduɗo, biyeteeɗo Abuu Usmaan Bah, e konnguɗi teddu- ɗi ɗi o haalani en ɗo hannde, ko feewti e darnde ɓamtude ɗemngal pulaar, e nder leydi men Muritani. Eɗen nganndi, kanko e hoore makko, darnde makko gila ko ɓooyi e nder leydi he. Kadi en paamii ɗum. Hayso wonii duuɓi makko won ɗo tolnii hannde, en paamii haala makko waɗii faayiida no feewi. Ɗum noon mbiyat mi banndiraaɓe ɓe tan, ko gooto fof yo huccan ɗemngal mum, sabu leñol hannde waawaa ɓamtaade tawa joom mum en janngaani ɗemngal mum en. En njettii Musiɗɗo men Abuu Caam ummi- ɗo to Rajo Pete, kanko e dendaangal jaayndeyankooɓe wonɓe toon.
Sammba Haaruna Bah : Alla jaaraama, a jaaraama. Aamadu Umaar Jah : Sammba Haaruuna Bah, a heɗiima ko musiɗɓe maa ɓe njaabii e naamne maa ɗe. Aan ne, hol no njiyru ɗaa ngolɗoo lappol, e no njiyru ɗaa kadi ɗiiɗoo miijooji, e ooɗoo mawɗo e konnguɗi mum, hono Abuu Usmaan Bah ? ɓoon daande mbaaw ɗaa en hokkude heen ? Sammba Haaruuna Bah : Njillu FƁPM waɗi to Baabaaɓe ngam juuraade hooreejo mum teddungal ko huunde fotnde wonde. Ooɗoo Abuu Usmaan Bah, ko o neɗɗo potɗo reeneede, potɗo safreede haa sella, cellal makko ko nafoore leñol Fulɓe. Sabu miijooji ɗi o haali ɗo ɗi njaltata tan ko e hakkile jiɗɗo leñol fulɓe. Ɗum noon ooɗo Abuu Usmaan fotaani joñeede sara. O foti ko footteede. Ina heewi so neɗɗo rafaama walla maayii tañejjitee. FƁPM kam, eɗen nganndi, alaa ngoon miijo.
Aamadu Umaar Jah : « Sammba Haaruuna, Alla jaaraama, a jaaraama ».
