Abuubakri Muusaa Lam ko porfeseer ganndo daartol, biɗtoowo, ganndo ko faati e Misra ɓooyɗo, kono kadi fanniyanke ko faati e Fulɓe e iwdi mum en. O winndii e fulɓe defte keewɗe, heen e Farayse, heen e Pulaar, ngam wallude ɗum en anndude koye mum en e yomnanaade ɗum en laabi poti rewde ngam hisnude pinal mum en yellitaade.
E oo ɗoo sahaa, ko o jannginoowo to duɗal jaaɓi haaɗtirde Seek Anta Joop. Jooni kadi o winndii deftere hesere. Ndeen deftere nii yaltii, tiitoonde mayre ko “ Fulɓe gila Héli-e-Yooyo haa Fuuta-Tooro ”. Ina winndaa e ŋaro cakkitoo deftere ndee wonde, nayeejo bambaranke gooto ganndo Fulɓe wiyii “ Fulɓe ko raneeɓe nder ɓaleeɓe ”. Ɗum ɗoon haawii no feewi annduɓe e wiɗtooɓe ko faati e iwdi fulɓe. Hol to ngol “ ɓodewol ummorii fulɓe ? Hol to ɓe ummii ? Hol to ɓe keɓi ɗemngal maɓɓe ngal ? Hol kuссam mаɓɓе ? ” Ina wayi no Abuubakri Muusaa Lam jaabtiima ɗee naamne kala : sikke alaa heen, fulɓe ko ɓaleeɓe ngonnoo. Ɓe ngontu woɗeeɓe tan. Heli e-Yooyo noon, ko diiwaan potɗo ƴeewoyeede to Misra Ɓooyɗo. Ɗemngal Pulaar ngal noon, Fulɓe njiggaaki ngal e hay gooto, hono no tuubakooɓe cikkirta nii. Kono wonaa kamɓe tan kuutortoo ngal. Ngam hisde e ƴellitaade, alaa e sago Fulɓe paggoo ngalu, ƴellita kadi ɗemngal mum en : ɗum ɗoon noon ina daɓɓi e fulɓe nde nganndata ko foti ardineede e ndeen hare.
Ko Abuu Bakri Muusaa Lam winndunoo kadi “ Paalel njuumri ” e “ Sawru ganndal ”
