Ɓooyii ko annduɓe ngoni e yiylaade mbele e faru Alla hee, alaa nokku goɗɗo woni heen tawa ko kodotooɗo walla kodaaɗo.
Ina jeyaa e ɗiin njiylawuuji ɓarakke nguurɗam dow lewru e mars (Mbaañ) e tagopeeje goɗɗe. Jooni noon ɓe njiytii yuɓɓo nanndungo Naange, yuɓɓo woɗngo ɗo nguurndam aaɓnotoo.
Ɗum ɗoon noon wonaa tinndol, ko huunde laaɓtunde. Ɓe mbiyi ɓe njiyti ko tagofeere taarotoonde naange nanndunge e naange men ngee. Ndeen hoodere (naange) ɓe inniri ɗum ko Tau Ceti (tar : Too Seti). Teе enge ɓadii en, sibu woni hakkunde men e maɓɓe ko 12 hitaande-annoore ‘fat’, woni hedde 113 607 360 000 000 km (ujunere е teemedere e sappo е tati ujunere e teemedde jeegom е capanɗe jeegom miliyaar e teemedde tati e capanɗe jeegom miliyoŋ kiloomeeteer ! ! !
Mawneeki tagopeeje taarotooɗe naange ngee ina sowoo laabi 2 haa 6 mawneeki leydi men ndii. Wootere e majje (nde ñiso mum sowii laabi 5 ñiso leydi men ndii) woni ko e “ nokku kodotooɗo ” : nokku mo wulaani no feewi, ɓuuɓaani no feewi, ɗo ndiyam ndeelam waawi wonde, ɗum noon, ɗo nguurndam aaɓnotoo.
Tuggi 1990 faade hannde, fotde 800 tagofeere njiytaama. Annduɓe ɓee noon ɓuri waɗtude hakkille ko e hoodere (naange) ɓurnde ɓallaade en ndee.
