Caggal duuɓi 55 ko aadee waɗi taaɓal gadanal dow lewru, NASA nana heblanoo neldude yimɓe to Mbaañ (Mars). Haa hannde to bannge karallaagal weeyo, Amerik jeyaa ko e ardiiɓe. Kono e ooɗoo sahaa, NASA suɓiima antamprisaaji tati, halfini ɗum en feewnude deegowel (rover) lewru, potngel nawde toon yimɓe he nder lappol biyeteengol Artemis. Faandaare ndee ko yillaade nokkuuji lewru ɗi meeɗaa yilleede. Ɗiin antampirisaaji ko : Intuitive machine (Dowla Texas), Venturi Astrolab (Kaliforni) e Lunar Outpost (kolorado). Kono ko heen fedde wootere suɓtetee ngam wallondirde e NASA e lappol hee.
Faandaare lappol ngol ko yiytude iwdi galaas tawaaɗo dow Lewru too. Ɗuum maa wallu en faamde no lewru mahorii kam e hoore mum, hol no ndu waylorii haa oo sahaa.
Bookara Aamadu Bah
