Aamadu Tumaani Tuure toɗɗitaama ñalde 29 abriil 2007 yo ardo kadi leydi Mali e duuɓi joy paaɗi ɗi. Ina wayi no heɓii 68,31% e daaɗe wootɓe ɓe. Sukki e makko ko Ibraahim Buubakara Keyta keɓɗo 18,59 e daaɗe wootɓe ɓe, Cebile Daraame heɓii 2,94%, Umar Mariko 2,72%, Mammadu Sanngare 1,54%, Sumeylu Bubey Maiga 1,41%, Sokna Sidibe Aminata Jallo 0,50% e Majasa Magiraga 0,28%.
Eɗen teskoo tan Malinaaɓe ngootaani no feewi, sibu keeweendi wwotɓe ɓe diwaani 37%. Ko noon kadi to leydi Farayse, Nikolaa Sarkosi toɗɗaama hooreejo leydi Farayse. O heɓii 53,06%. Segoleen noon heɓi ko 46,94%. Kono tan eɗen teskoo wonde Faraysenaaɓe ngootii tigi rigi, sibu keeweendi maɓɓe tolniima e 84,77% e winndinooɓe e doggi woote ɗi : huunde wayrunde waɗde no feewi.
