“Ko e hitaande 1980 nan-mi dille Fedde Ɓamtaare Pulaar. Addi ɗum ko mawni am gooto ina wiyee ceerno Aamadu Tijjaani Sal ari e am, wiyi kam « tawde a janngaa- ni ekkol etee sos tawii a gaynii liggey galle tan ko a jooɗiiɗo, waɗ feere naatoyaa e jaŋde mumtugol humambinnaagu e ɗemngal Pulaar nde nde FƁPM yuɓɓinta e wuro he ».
Naatoy-mi e duɗe peŋgal Madiinaaji. Ko ɗoon ƴellitaare fuɗɗanii kam, ndew- mi e doge ɗee kala haa keɓ-mi seedantaagal Duɗal Keblorgal Jannginooɓe e hitaande 1985, mbaɗtu-mi jannginde e waɗde jeewte jeeyngal ngam sarde miijooji Fedde nde. Kono ko ɓuri nii himmude e ko njiy-mi e ndañ-mi e FƁPM ko udditanii kam fartaŋŋe e liggaade e pelle ɗe ngonaa laamuyankooje tawi ko Pulaar liggortoomi, ko wayi no « SOS Sahel International » kam e « Mutuelle des Associations féminines d’épargne et de crédit (M.A.F.E.C.) to ngon-mi haa e ñalawma hannde o, tawi miɗo huufi cosgol e dewindagol pelle rewɓe kaɓotooɗe baasal.
Mbeɗe gayni hannde yenaneede wonde laawol FƁPM ko laawol moƴƴol etee jaŋde ɗemɗe ngenndiije ko codorgol ɓamtaare wonande leƴƴi doofoli.” Tesko : Aysata Jaari ko tergal coftungal e Fedde Ɓamtaare Pulaar. Omo jeyaa e jirwintunooɓe yeewtere Fedde nde to Rajo Muritani. Kanko ardinoo gollorɗi Catal Nuwaasoot. O yuɓɓinii kadi jeewte keewɗe e nder peŋɗe catal Nuwaasoot
