Yimɓe fof ko moɗtunooɓe poofaali mum en, ina padi. Mbele Balla Gay 2 e Yekini ina njogori sippirde. Oɗon mbaawi foofde ! Ñaawaama ! Kommbaa oo maa waɗ so Alla jaɓii, ñalnde 22 abriil hitaande faande ndee, hono 2012. Gayni golle ɗee ko Duubal Lees (wonande Balla Gay 2) e Mustafa Ndooy (wonande Yekini). Jooɗaninoo juɓɓinoowoo kommbaa oo, hono Luc Nicolai, ko Mbay Jaañ. Geɗe ɗee ciifaa ko e nder biro Njaame Joop, Gardiiɗo njuɓbudi. Sikke alaa heen, ko ɗoon piɓondiral waɗaa, gooto e sippirooɓе ɓee kala limanaa meeɗaari, hade ko juɗaa ɓenndude. Ina sifaa hay gadotooɗo naatde lammba kaa : Balla Gay 2 noddaa ko e waktu nayaɓo ina fawi hojomaaji 45. Yakiyaa Joop Yekini foti naade lammba ko waktu joyаɓо.
Balla Gay habrii heblanoytoo oo ɗoo kommbaa ko to Amerik, to New York Sport Center ; Yekini suwaa tawo haal ɗo hebloytoo, ina gasa noon tawa ko e nokku gooto ɓe njogori tawtondir de hade maɓɓe gaƴƴondirde ñalnde 22 abriil 2012 to Ndakaaru.
Bookara Aamadu Bah
