Dental G5 Sahel yuɓɓinii batu kuɓtidinngu ñalnde altine 10/6/2023 nder Nuwaasot. Hoohooɓe laamu kam e jaagorɓe leyde G5 Sahel tawtoraama joɗnde ndee, e gardagol Hooreejo leydi Muritani. Faandaare yummaare joɗnde ndee ko ƴeewde daɗɗude peeje ngam ɓeydude ballal e ƴellitde leyde G5 Sahel. Hooreejo leydi Muritani waɗii haalannde juutnde, o hollitii sunaare makko jaltugol leydi Mali e ndee fedde, tawi ko ngootiri e leyɗe jeyaaɗe e cosɗe fedde ndee. Leydi Mali yaltii e G5 Sahel gila e lewru mee 2022. Batu nguu waɗi ko to meeɗnoo wonde « palais des congrès » jaagorɗe kalfinaaɗe geɗe faggudu leyɗe jeyaaɗe e G5 Sahel tawtoraama batu nguu. Jaagorgal leydi Almaañ toppitiiɗo ɓamtaare e gollodiiɓe G5 Sahel jeytoraama e batu nguu, ngam daɗɗude pehe e peeje baawɗe moƴƴitinde jaŋde leyɗe G5 Sahel. Ɓeydude tiiɗtinde kisal nguura, ñawndugol rafi ndeenka… Ɗum kala jeyenoo ko e toɓɓe maɓɓe garwaniije. Jaagorɗe ɗee teeŋtinii wonde paandaale G5 Sahel tuugaaki tan e haɓde owbeeleeɓe maa seɓɓitiiɓe. Abdul Salaam Jagana kalfinaaɗo jokkondiral Waalde G5 Sahel, teeŋtinanii en daranaade nguura ceniika, jaŋde sukaaɓe haɓaade faljo jaŋde jeyaa ko e kuccam Fedde ndee.
Nguu batu ardii ɗum ko jaagorgal Espaañ toppitiingal geɗe caggal leydiije, Dental Afrik e Jotondiral , hono Jose Manuel Albares. Nder haalannde makko udditirde jaagorgal ngal hollitii wonde leydi Espaañ ɓuri ardinde ko kisal, ɓamtaare e waylowaylo weeyaango.
Yeddinaani, leyɗe G5 sahel kisaani e ceɓɓitaagu, ɗum waɗi hooreejo leydi Muritani siftinii wonde « Hay gooto feccaani sikke Sahel hannde e sifaa kuuɓtidinɗo teeŋti e leyɗe G5 ɗee, fekkuru ndeenka ine dookii ɗum, faggudu tawi peeje kaɓtorɗe ndaɗɗaak ». O waɗii eeraango nde nde pelle winndereyankooje ɗee mballata Fede G5 Sahel.
Umar Al Hajji Caam (Jaayre Pinal)
