Nguuɗoo ñalngu 28 noowammburu 2017, woni ñalngu 57ɓiiwu jeytaaare Muritani. Ñalawma potnooɗo wonde ñalawma weltaare wontii ñalawma sunaare wonande won ɗiin ɓesnguuji ɗi ɗum siftinta geɗe muusɗe, muritaninaaɓe wonduɓe e mette haɗeede tabitingol sariya e dow warkoyeeɓe.
Ñalnde 28 noowammburu 1990, 28 (noogaas e njeetato) militeer ɓaleejo wardaama yargo to Inaal e yonta laamu añamleñaagu e paltoor Maawiyaa wul Siidi Ahmed Taaya ngam « mawninde juulde jeytaare leydi ndi ». Ndaw juulde haawninde, juulde mooddiniraande ƴiiƴam jaambureeɓe, banndiraaɓe men.
E nder tuddule militeer en goɗɗe e nder leydi hee, soldateeɓe heewɓe dummbaama heen, leɓtaa leɓte muusɗe haa 500 e maɓɓe nduttii e joomum en. Maa mbiyaa ko feere ƴettaande ngam mumtude ɓaleeɓe e leydi hee.
Gila e oon ñalawma feewde jooni, 28 noowammburu wontani ujunnaaje ujunnaaje muritaninaaɓe ko ñalawma bojji paliiɗo ngootaagu ngu ngenndiyaŋkooɓe katojini e nder leydi hee. Ko bonannde nde ñaawaaka haa hannde hay so tawii hilifaaɓe leydi ndii keptinii wonde bonannde nde waɗii.
Mawningol 28 noowammburu to Kayhayɗi wayi tan ko no « njuulu njejjitee » e hitaande 2014 to Kayhayɗi : fuunti e faajiraagal laamu ngal min njaɓataa haa bada. So ñaawoore waɗaani « njuulu kayhayɗi » addantaa min yaafaade ƴiiƴameeje maayɓe amen.
28 noowammburu siftinta min ko ko ñalɗi muusɗi, hay so tawii noon laamu Muhammed Wul Abdel Ajiiju yiɗi rokkude ngu faayiida mawɗo e teddinirde ɗum « ngootaagu leydi » ngu woodaani tawo.
- Minen jeyaaɓe e dental rewɓe maayraaɓe e min ndeftoo :
- min ɗaɓɓi ko yo ko saabii ɗiiɗoo warngooji laɓɓitine ;
- saabiiɓe ɗiin warngooji yoo ñaawe ;
- mumtugol sariya 1993 daɗndoowo ɓeen warkoyeeɓe ;
- joɓgol iddiya jom ƴiiƴameeje en tawa ko nuunɗungol, pooƴtingol.
Nuwaasoot ñande 28 noowammburu 2017
——————————
Doggol 28 militeer en wardaaɓe yargo ñalnde 28 noowammburu 1990 to Inaal ngam “mawninde” ñalngu jeytaare leydi ndii e hitaande 1990 :
- Adsidaa seef Abdullahi Jiggo
- 1re kalaas Samba Baaba Njaay
- 1re kalaas Samba Oumar Njaay
- 1re kalaas Ibirahiima Jallo
- 1re kalaas Mamadou Hammadi Sih
- Sarsa Mbooc Abdel Kader Sy
- 2e kalaas Samba Demba Kulibali
- 2e kalaas Demba Jallo
- 1re kalaas Aamadu Saydu Caam
- 1re kalaas Mammadu umar Sih
- 1re kalaas Abdarahmaani Jallo
- 1re kalaas Mammadu Usmaan Lih
- Kapporaal Mammadu Demmba Sih
- Soldaat Alasan Yero Saar
- Kapporaal Aamadu Mammadu Bah
- Sarsaa seef Laamtooro Kamara
- Sarsaa seef Silymaani Muusaa Bah
- 2e kalaas Oumar kalidou Bah
- Sarsaa Amadou Mamadou Caam
- Sarsaa Sammba Sal
- 2e kalaas Abdullahi Booy JALLO
- 1re kalaas sheekk Tijjaani Jah
- 2e kalaas Samba Bookara Sumaare
- 1re kalaas Muusaa ngayde
- 1re kalaas Siraajo Looh
- 1re kalaas Demmba Umar Sih
- Sarsaa Aadama Yero LIH
- Kapporaal jibril Sammba Bah.
Dental rewɓe maayraaɓe jayaaɓe e geɗe jolnooɗe e kitaale
