Biraam wul Dah wul Abeidi waɗi ngoon noddaango ko ñalnde alkamiisa 24 saawiyee 2013 to Neema. O woytii “ Seppо haɓaade njiyaagu ngam ndimaagu ” fotngo ummaade Neema jaaƴoo Nuwaasoot, woni 1 000 km. Nii woni nde ɓe pusi diiño ngoo, ɓe ndewi e mbeddaaji mawɗi wuro ngoo e koyɗe. Caggal ɗuum ɓe kirndani Timmbedara e Ayyuun.
Wuro ngo ɓe ngari fof, ɓe ceppira koyɗe e mbeddaaji mum, hade maɓɓe waɗde diiño. Tuggi 24 haa 28, ɓе ndewii Neema, Timmbedara, Tintaan, Geru, Maktaa Lasaar, Eeleega, Butelmiit, Waad Naaga, e Nuwaasoot. Ina tawtoraa lappol ngol, terɗe IRA-Muritani e “ SOS-Esclaves ” kam e pelle gollodiije mаɓɓе. Faandaare lappol ngol ko findinde ɓee ɗoo :
- Yimɓe leydi ndii e winndere ndee mbele ina ɓeydoo anndude ngonka njiyaagu e Muritani ;
- Jiyaaɓe ɓee e meeduooge wonde jiyaabe : mbele ina pinana ngonka mum en, caltoo njiyaagu ;
- -njuɓɓudi laamu e ñaawoore e terɗe doole kisal mbele ina paama, njaɓe siynude sariya 2007-048 mo 3 settaambar 2007, karminɗo njiyaagu, dotti kuuge potɗe faweede dow waɗooɓe ɗum ; daraniiɓe jojjanɗe aadee en mbele ina mballita umminde dillere darantoonde muumtugol njiyaagu haa laaɓa е Muritani.
