Pentunooɗo Yoo Leelee oo hawrii e lajal. Naalankaagal pulaagu waasii gootal e jagge mum. Semmben Njaay lollirnooɗo Biron Njaay hawrii e lajal e lewru suweŋ nduu. Naalanke joom hoodere e duuɓi ɓennuɗi ɗii. Birom Njaay sakket nguurnɗam mum saɗtiino no feewi. O naatii e naalankaagal law, gila omo woni suka tokooso omo ñemtina yontaaɓe diiwaan Jolof oo e oon sahaa ; ko wayi no Senew Kummba, Gaynde Yeene, Aali Boofel…
Ko e ndoondi naalankaagal ɓee ɗoo o nokki jeynge, o huɓɓi duɗal makko. O fuɗɗorii ko waɗande kiirɗeeli tuubakooɓe gollotonooɓe e galle ngaynaaka gonnooɗoo to Luga. Ko toon o anndondiri e baaba mum Ābdu Juuf gollotonooɗo toon. E cukaagu makko, hakke ñaañooji jeegom kelaama e hoore makko mbele omo woppa njimri. Naange makko huɓɓi, o darni diɗɗal omo wondi e ko wayi no Pennda Madam Bah. O yilliima e jookli Senegaal fof. O heɓii kadi kadi yillaade e leyɗeele catiiɗe Senegaal ɗee. Sakket nguurndam makko noon muusii sanne, kono haɗaani mo maaydude e fiɓnde makko. Birom Njaay ko kam fentunoo Yoo Leelee, Tuwaalet Senegaal, Raas Dolli. Omo woppi ɗoo konngol baawngol wonde njooɓaari sukaaɓe naalankooɓe nde o wiyi : Jimol hoyɗetaake miijete.
Hamet LY Source : [http ://www.fuuta.info]url : http ://www.fuuta.info/birom-ndiaye-lauteur
-de-yoolele-nest-plus/#more-21ɓ
