Hare hakkune Fulɓe e Dogon en waɗii, sara keerol hakkunde Mali e Burkinaa, fotde 30 pullo mbaraama heen. Ko famɗi fof 1 000 neɗɗo ndogii mooloyiima Burkinaa. Ko Guwerneer diiwaan rewo Burkinaa jangtii ɗum. E wiyde makko, hare ndee waɗi ko e wuro Sari, e nder leydi Mali. E ko rajooji kaali, “ Hare ndee ina jotondiri e jiiɓru wonndu Mali nduu, ndu kuudetaa oo bone manna, koninkoowon kulkon deedi, Hayaa Sanogo e yahdiiɓe mum, ngaddi e leydi hee.
Laamu Aamadu Tumaani Tuure masliino hakkunde Fulɓe aynaaɓe ɓee, e Dogon en remooɓe ɓee, nde taƴata keeri lappi, ɗo na’i poti rewde so ina tacca leydi Dogon en. Sahaa sahaa fof, hono no aadoraa hakkunde remооɓе е аynaaɓe, caɗeele ina njolatnoo, sibu jawdi fulɓe ɓee, nde rewi ɗoon kala, ina bonnatnoo gese. Dogon en njiyrunoo ɗun ko no jinngol Aamadu Tumaani Tuure waɗani koreeji mum. Ko oo “ kurjutu ” ari koo, ñawande fof njoñtitiima. Kono, no heewi wiyreede nii “ Alla nattii ñamlirde ! ”. Eɗen kulani Mali. Sibu ɓee ɗoo koninkooɓe saabiiɓe nduu jiiɓru, nanndaani e hellifaaɓe. Ko wattindii kewde toon koo, ittii neɗɗaagu leydi ndii haa laaɓі. Mali nattii wonde leydi ndi yimɓe fof njeeɓatnoo hanki tan, leydi njuɓɓinndi woote nayi deggondirɗe ɗee ngalaa caɗeele.
Seppooɓe taccude wuro, njahi haa galle laamorɗo, njani e hooreejo leydi, piyi ɗum, koninkooɓe ina kucciti heen. Hono no jaaynde Biladi winndiri nii, “ artirde ɗeeyre ”. Hay so ko kewi Mali koo wonaa ko haalaa dow koo, eɗum nanndi heen. Hay so yimɓe ɓee kadi kaalaani, aduna oo fof ina anndi wonde, woni les ɓee ɗoo yanɓe е Jookunndaa Tarawore hooreejo leydi Mali e mudda, ko koninkooɓe janfiiɓe AТТ ɓее, Hayaa Sanogo e yahdiiɓe mum, “ jiimɓe leydi ndii hannde, walla ko heddii e mum koo. Ndee feere yooɗtoriɗnde, fuuynde, faandaare mum ina fuŋŋinii. Ko laaɓi tan, ko caaysayaagal e leyɗe men yettiima e nokku e tolno, haa ko hay gooto anndaa hol waɗooɓe e hol ko ɓee yimɓe ngoni. Denndaangal aadaaji ngardiigu moƴƴu ngoррааma ; nehdi nattii woodde, ko faarnortenoo, teddinanoo kala wiicaama to woɗɗi ; hay gooto anndaa to leyɗe men payi e hol ko jogori heɓtaade en. ”
