Ko ina tolnoo e miliyoŋaaji sappo mboros ina cabbini e boros ñiiye. Ina heen mborosaaji caabotooɗi maɓɓo girip e goɗɗi gaddooji ñawbuuli ɗakkudi, njula ñiiye. Ко ɓuri heewde e ɗii mborosaaji tookaaɗi keewi ummoraade ko taarorɗe e suturaaji. Ɗum ɗoon ɓuri heewde heɓtaade ko borosaaji goppeteeɗi nder ɓuftorɗe teeru (heewɓe ko noon keewi waɗde). Waɗi noon, ko boros ina waɗi fof, ko ñamee e ko yaree fof. Ɗum noon, so neɗɗo ƴettitii oon boros, soccoriima, mborosaaji heewɗi ina naatira ɗoon e ɓalndu mum.
Haali ɗum ko annduɓe, wiɗtooɓe ko faati e cellal (Doktoor Tom Glass, karallo ñawbuuli hunuko e ñiiye to Duɗal Jaaɓi Haaɗtirde Oklahoma, to Amerik). Ngam hisnude boros maa e ɗiin mborosaaji, aɗa foti ɗooftaade ɗee geɗe :
- Boros renndetaake, ko gooto tan foti soccoraade ɗum.
- Lawƴu boros maa haa laaɓa caggal nde cocci-ɗaa kala
- Yoornu boros oo, caggal nde cocci-ɗaa kala
- Hoto waɗ boros maa e nokku uddiiɗo
- Werlo boros maa, coccoro-ɗaa goɗɗo, caggal nde ceertu-ɗaa e maɓɓo walla girip.
Tesko : Ko toɗɗii boros kala ina toɗɗii coccorgal.
Bookara Aamadu Bah
