Jowol saare fulɓe e sooninkooɓe, Jowol Saare seɓɓe, Jowol yowi loonde Saŋe e Suudu fowru, kaaƴel Annabiijo ɓe mbiyi « so tekkere liɓii loonde ɗaccataa doondiiɗo ». Hoore-biir 28 seeɗto 2024, batu mawngu waɗii Jowol, batu nguu renndinii leeɗe jowol no potiri, ɓe paamii tigi wullaango jamma ɗaldetaake gooto.
Ko ceerno Ɗalhata Siidi Wele udditi batu nguu, o holliti faandaare ndee ko ɓamtude golle wonande catal FƁPM Jowol, faayiida batu nguu ko suɓaade yiilirde hesere ngam ɓamtude golle. Tawtoraaɓe joɗnde ndee fof kawrii e toɓɓere ndee. Caggal ɗuum ɓe cuɓii goomu ngam sakkitɓe ɓe yiilirde. Nguun goomu woni Jakariyaa Soh, Muudo Soh, Mammadu Siidi Wele, Jeynaba Saada Soh, Abdul Soh, Demmba Kulibali, Hapsa Siidi Wele, Iisaaga Bah e Peetel Gise. Gooto e jaale Jowol hono Jakariyaa Mammadu Soh waɗii ciimtol ko goomu nguu artirani joɗnde ndee :
- 1. Hooreejo : Jakariyaa Mammadu Soh
- 2. Cukko hooreejo : Jibriil Hammee
- 3. Koolaaɗo kuuɓal: Maryam Sih
- 4. Kalfinaaɗo nehdi e jaŋde,
- e jaŋde mawɓe e heblo : Ɗalhata Wele Isaaga Bah
- 5. Kalfinaaɗo pinal: Abuu Hammee Jak
- 6. Kalfinaaɗo eddaagu : Aminata Aamadu
- 7. Kalfinaaɗo kumpital e dallinaande : Kaawii Kan
- 8. Kalfinaaɗo kaalis e ngalu : Jeynaba Saada Soh
Joɗnde ndee jaɓi yiilirde sakkitaande ndee.
Usmaan Ñaan -Catal Kayhayɗi
