« Yero Dooro Jallo, gorko toowɗo mo toownaaka »
Yero dawloyiima. O accidii en yeeweende e donngal. O [accidii kam yeeweende e donngal. Kono nde nduttantoomi ndee yeeweende e ngal donngal, kaalatmi ko mette pasooje e nder ɓernde am! Ko goonga Yero wirni, maayaani : sabu golle makko maa keddu poomaa innde makko e nder ɓerɗe annduɓe e sehilaaɓe pulaagu, ɗe taYcina nde yontaaji e yiirdeeji haa cay! Kono ɓernde ina fasfasta mette. Yero faalkisiima ɓaaYanɗe ngaluuji, e deeyooji fittaandu foo- [antoondu nguurndam mbel[am, o himmirani goodal men, hono ɗemngal e pine men. Ko o ganndo cafroowo, njaatige jippinoowo [anniiɓe, iwɓe nder e boowal leydi kala ; jooltoowo ɓiɓɓe leñol yarɓe paali haɗa ɗumen yoolaade, goytantooɗo fi’aaɓe, ndiiwaa, njaltinaa e jattiije maamiraaɓe. Mi yiyii laamɓe, alduɓe e annduɓe, nde paayi ko’e mumen, ndogani mo; o faabii ɓee, o huuri ɓeya, o duysiri heddiiɓe, caggal diisnondire, wasiyaaji kaftinooji boofo, mba[ta aawase almaami. Ko oo gorko lelii sellaani, laamɓe leñol e al[uɓe maggol, ndillaani, ndaalaani, ndaranaaki safaara makko haa Allah jeyti mo. Hono no hanki e Elimaan Gamaaji, hannde ne bojji e gon[i keewii. Duysooɓe, goonganteeɓe e aawaseeɓe, mbaɗii mbeefeegu kabir (gila) Ndakaaru haa Lummbol Sammba Abdul. Otooji ngaddaa, isaas duppaa, kopporeeje, potnooɗe addeede law o safroroo, njuppaa ! Gon[i nooro, mbiiɗen, ko weebeende ndiyam, wonaa hecci[de bernde ! Ko goonga ñaw maayde, hay so safraama, woppataa, kono safrude ñawɗo ko farilla.
Mo woppi farilla noon joopee. Laamɓe men e al[uɓe men [awaama wurne ! Kono wune woodanii hatanteeɓe leñol ngol. ɓune woodanii Haliima, gen cuurɗo cuuriiɗo. ɓune woodanii Demmba Dooro, Paate Dooro, Idi Dooro e ndenndaangal iwdi Dooro Kurɓoowo ; wune woodanii Fedde Ɓamtoore Pulaar/ Tabital Pulaagu Senegaal e Tabital Pulaagu Faransi, ɓe ŋanñaaki hay batte mbele Yero ina duysa en haa yeeso. Kono haajaande Allah falotaako. Ko nii woni Yero yahii, yahdii e teddungal, kono acci yeeweende. Abuu Demmbel Mbooc, hono no wiirunoo Sayku Umar Bah, coowaaɗo Abdul Umma, Taanu Kannde, Seek Bammba Soh, Fari Silaat Kah, Sammba Hawoli Sek, Saakuya Sih njeewaama.
