Won jaaynde winndunoo ko ɓooyaani koo, wonde Siidi wul Seek Abdallaahi, caggal nde woppi laamu, hootii Lemden, waɗaa toon Almaami jumaa wuro ngoo. Enen ɗum haawaani en, sibu eɗen njenanaa ko o juulɗo. So en mbiyii juulɗo, wonaa tan biyoowo ina goongɗini Alla, ina juula ina hoora, ina sakkoo, ina muddoo. Alaa, wonaa ɗuum tan. So en mbiyii ko o juulɗo, firti ko omo waɗa ko sifaa dow ɗoo koo fof, kono kadi, ko o nuunɗuɗo, aadiyanke. Won biyɗo wonde Siidi wonde Laay Wad wontaa rutto Bangaasi waajoyaade Sehil mum Kaddaafi. Siidi kam, hay so o waawnaama woppude laamu, yahdii e ndimaagu mum. Ko wallitnooɓe Abdel Asiis haɗde mo jooɗaade ɓee, njogoraani dañde. “ Alla kam ɗaanaaki ”, tooñannge moƴƴaani !
- Advertisment -