Banndiraaɓe, ndeke firwiiji nafoore ndee wonaa tan ñaamde ɗum, ina sofroree kadi. Mi hokka o seeɗa yeru e eddaaji firwiiji ƴeewndoɗen safroraade ɗum, etee alaa rewam hay batte.
1-Anaanaas: ina safra caɗeele unu tekteki, ina safra ɓuttiɗgol, ina safra ŋakko ƴiiƴam. Ina wallita e pooƴgol kam e mawnugol neɗɗo. Ina itta posone e ɓalndu. So aɗa safroroo, ɓuri moƴƴude ko ñaamde ɗum tawi ina ɓenndi sanne.
2-Awoka (aɓocat): ko ñamri timmundi, ina wallita tekteki unde ñamri men, ina fotnda yuɓɓo cohirkon, ina wallita e kesɗitingol nguru ɓalndu e mawnugol. Ina wallita e koragol, ina safra won e ñawbuuli tekteki. Ina moƴƴi nde neɗɗo ñaamata ɗum hade bottaari, maa hiraade kala. So aɗa ñaama ɗum ina moƴƴi tawa ina ɓenndi.
3-Dene ina yamiraa ngam yooɗnoraade, ina safra yeeso kam e cumoram cemorɗam. Ina waawi huutoreede ngam foppaade tawi ina jillondiraa e ndiyam e kosam ɓiraɗam kam e jillondirde e taƴe taƴe dene ɗe. (jubbannde seeɗa ma en ngartu heen)
Mammadu.M.Baal
