Ñalnde 9/11/08 ammbasaad Amerik ɗoo e Nuwaasoot yaltinii bayyinaango ngo ɓe neldi jaayɗe wuro ngo, hollitoowo ɓeto golle lebbi 15 laamu Siidi wul Sheek Abdallaahi. Ameriknaaɓe ɓe, e tuugaade e ɗuum, mbiyi wonde leydi Muritani yahrii yeeso e laamu Siidi, haa arti noon to bannge nuunɗal e gardagol moƴƴol. Ɗum ɗoon noon ina seerti e ko jamfiiɓe laamu makko kaalata ñalnde kala e rajooji e tele ko. Ina wiyaa e bayyinaango he wonde Millenium Challenge bayyinii ɓetooji wonande hitaande 2008. Ɗiin ɓetooji noon tuugii ko e limooje e kabaruuji keɓaaɗi e juɓɓule adunankooje (Banke Adunanke, UNESCO, FReedom House, Heritage Foundation … ).
So en tuugiima e kabaruuji dokkaaɗi wonande Muritani e hitaande 2008 nde, leydi ndi waɗii taaɓal feewde yeeso e sifaa kuftodinɗo. To bannge « Gardoragol nuunɗal » limooje ɗe ina kolla wonde leydi ɓeydoraama toɓɓere (wonnoo ko 3, wontii 4), tawi ustugol ; njeenaari e porlugol jawdi ina teskini heen (68% e hitaande 2007, wontii 78% e hitaande 2008) : huunde maantinnde sanne. Ko noon ne wonande limooje ɓeto wonannde wellitaare to bannge faggudu, ƴellitiiɗe e ngalɗoo daawal (ummaade 48% e 2007 haa 81% e 2008). Wonaa Guwarnama Amerik ɗeeɗoo limooje, alaa ; ko pelle e njuɓɓule adunankooje. Ɗumɗoo noon ko golle guwarnama persidaa Siidi wul Sheex Abdallaahi.
Nuwaasoot ñalnde 6 noowammbar 2008
